Ndi Emenen̄ede Enịm ke Se Jehovah Ọn̄wọn̄ọde Iditreke Ndisu?

Se Joshua ye Solomon ẹketịn̄de ẹwụt ke akananam un̄wọn̄ọ Jehovah ikpụhu. (Jos 23:14; 1Nd 8:56) Se owo iba emi ẹketịn̄de etiene anam itetịm ibuọt idem ye Abasi inyụn̄ inịm se enye ọn̄wọn̄ọde.​—2Co 13:1; Tit 1:2.

Didie ke Jehovah akanam se enye ọkọn̄wọn̄ọde ke eyo Joshua? Tie ye ubon fo se drama emi ‘Baba Ikọ Kiet Ikpụhu.’ Ekem bụp mme mbụme emi: (1) Didie ke ikeme ndikpebe Rahab? (Heb 11:31; Jas 2:​24-26) (2) Didie ke mbụk Achan owụt ke ndikokoi nsọn̄ ibuot ye Abasi esida mfịna edi? (3) Ntak emi mbon Gibeon ẹkekade ẹkebian̄a Joshua man anam emem ye mmọ kpa ye emi mmọ ẹkedide mbonekọn̄? (4) Didie ke ikọ Jehovah okosu ke ini ndidem Amorite ition ẹkeyomde ndisịn ntịme ye nditọ Israel? (Jos 10:​5-14) (5) Didie ke Jehovah an̄wam fi nte osụk akade iso oyom Obio Ubọn̄ ye edinen ido esie?​—Mt 6:33.

Iyenen̄ede ibuọt idem ye Jehovah ke ini ikade iso ikere iban̄a mme n̄kpọ emi enye akanamde, se enye anamde idahaemi, ye se enye edinamde ke ini iso.​—Ro 8:​31, 32.