Se Idin̄wamde Nnyịn Idi Nti Mme Ọkwọrọikọ—Kwọrọ Ikọ Nọ Kpukpru Owo

NTAK EDIDE AKPAN N̄KPỌ: Zechariah ama etịn̄ prọfesi ete ke mme owo oro ẹsemde nsio nsio usem ke kpukpru idụt ẹyema ndikop eti mbụk oro ikwọrọde. (Zec 8:23) Edi mmanie ẹdikwọrọ inọ mmọ? (Ro 10:​13-15) Jehovah ọdọn̄ nnyịn utom emi, ntre ana ikwọrọ ikọ inọ kpukpru owo oro ẹdude ke efakutom nnyịn.​—od 84 ¶10-11.

SE ANADE ANAM:

• Tịm idem ọfọn. Ndi emesisobo mbon emi mîsemke usem fo? Edi ntre, emekeme ndida JW Language n̄kpep nte ọkpọkwọrọde ikọ ke usem mmọ, mîdịghe ada fon m̀mê tablet owụt mmọ ebiet emi mmọ ẹdikụtde se ẹdọn̄de ke usem mmọ ke jw.org

• Domo ndikwọrọ ikọ nnọ kpukpru owo. Ke ini ọkwọrọde ikọ ke ufọk ke ufọk, domo ndikwọrọ ikọ nnọ kpukpru owo, ekpededi owo asasan̄a ebe ke usụn̄ m̀mê esịne ke esịt moto. Edieke ọkwọrọde ikọ ke itie emi mme owo ẹwakde, kûyak n̄kpọ ndomokiet ọwọn̄ọde fi ntịn̄enyịn

• Sịn ifịk kwọrọ ikọ. Sifiak ka bịne mbon oro mîkodụhe ke ufọk. Nte ekpededi, domo ukeme ndineme Ikọ Abasi nnọ owo ke ufọk ekededi oro odụkde. Edieke owo oro mînyeneke ini, dọhọ enye enịm ini m̀mê usen emi edifọnde ye enye. Emekeme ndineme nneme ye mmọ ke fon, ke leta, m̀mê ndikwọrọ ikọ nnọ mme owo ke efak

• Fiak ka bịne owo oro ọkọkwọrọde ikọ ọnọ. Fiak kekpep owo oro Bible. Edieke enye esemde usem oro mûdiọn̄ọke, nam ndutịm man owo oro ọdiọn̄ọde usem esie edikpep enye Bible. Kûsana enye uyak sia esemde usem oro mûdiọn̄ọke, ka iso neme nneme ye enye tutu afo okụt asuanetop emi esemde usem esie.​—od 94 ¶39-40

ẸSE VIDIO EMI, NDIKA N̄KỌKWỌRỌ IKỌ KE “ATA UTỊT IKPEHE ISỌN̄,” EKEM ẸBỌRỌ MME MBỤME EMI:

• 

  Nso ndutịm ke nditọete oro ẹkenam man ẹkekwọrọ ikọ ẹnọ owo ke mme obio oro? (1Co 9:​22, 23)

• 

  Nso ye nso ke akana mmọ ẹnam man mfịna idisịm mmọ?

• 

  Didie ke Jehovah ọkọdiọn̄ nditọete emi?

• Nso ke akpanam man etiene ọkwọrọ ikọ ọnọ ediwak owo ke efakutom mbufo?