“Kpono Usọ ye Uka”

Ke ini Jesus okodude mi ke isọn̄, enye ọkọdọhọ ke ọfọn ndinịm ibet Abasi emi: “Kpono usọ ye uka.” (Ex 20:12; Mt 15:4) Jesus ama etịn̄ emi ifụre ifụre sia enye ama “osụk ibuot” ọnọ ete ye eka esie ke ini enye ekedide uyen. (Lu 2:51) Ke ini enye okoyomde ndikpa, enye ama emek owo emi edisede eka esie enyịn.—Joh 19:26, 27.

Mfịn, mme uyen emi ẹmade Abasi ẹsitịn̄ ikọ ukpono ukpono ye mme ete ye eka mmọ. Idem ke nditọwọn̄ ẹma ẹkekponi ẹkabade ikpọ owo, Abasi osụk oyoyom mmọ ẹkpono ete ye eka mmọ. Ndien ọkpọkọm ete ye eka nnyịn ẹsọn̄, mmọ ẹsụk ẹnyenyene ọniọn̄. Ntre, ọfọn ikop uyo mmọ. Edieke inamde emi, iyadia ufọn inyụn̄ iwụt ke imokpono mmọ. (N̄ke 23:22) N̄kpọ en̄wen emi ikemede ndinam man iwụt ke imokpono ete ye eka nnyịn edi ndinọ mmọ se inanade mmọ nnyụn̄ ntịn̄ ikọ nsọn̄ọ mmọ idem. (1Ti 5:8) Edide idi nditọwọn̄ m̀mê ikpọ owo, usụn̄ kiet emi ikemede ndiwụt ke imokpono ete ye ẹka nnyịn edi ndisineme nneme ye mmọ.

ẸSE VIDIO EMI DIDIE KE N̄KEME NDINEME NNEME YE ETE YE EKA MI? ẸNYỤN̄ ẸBỌRỌ MME MBỤME EMI:

• Nso ikeme ndinam ọsọn̄ fi ndineme nneme ye ete ye eka fo?

• Didie ke ekeme ndiwụt ke omokpono ete ye eka fo ke ini enemede nneme ye mmọ?

  

• Ntak emi ọfọnde esineme nneme ye ete ye eka fo? (N̄ke 15:22)