MME AKPAN N̄KPỌ KE IKỌ ABASI | LUKE 8-9
Nso ke Owo Akpanam Man Edi Mbet Jesus?
Edieke owo oyomde ndibot ebono emi enende, inaha enye ese ebiet en̄wen ke ini enye osụk ofụn̄de isọn̄. Kpasụk ntre, inaha Christian ayak mme n̄kpọ ererimbot emi enye ọkọkpọn̄de anam enye etre nditịn̄ enyịn nnam n̄kpọ Abasi.—Php 3:13.
Ke ini inyenede mfịna, imekeme ndikere ke n̄kpọ ama esifọn ye nnyịn ke ini nnyịn mîtọn̄ọke kan̄a ndinam n̄kpọ Abasi akan nte edide idahaemi. Ke utọ ini ntem, isiwak nditi nte uwem ekenemde ini oro, edi ifre ke ima isinyene mfịna n̄ko. Se nditọ Israel ẹkenamde edi oro ke mmọ ẹma ẹkekpọn̄ Egypt. (Nu 11:5, 6) Edieke ikade iso ikere utọ n̄kpọ oro, ekeme ndidọn̄ nnyịn ndifiak mbịne mme n̄kpọ oro ikọkpọn̄de. Se ikpakam inamde ekpedi ndikere nte Abasi ọdiọn̄de nnyịn idahaemi, inyụn̄ ikere iban̄a nti n̄kpọ oro idinyenede ke Obio Ubọn̄ Abasi!—2Co 4:16-18.