Ima Anam Ẹdiọn̄ọ Ata Mme Christian​—Dara Se Idide Akpanikọ

NTAK EMI EDIDE AKPAN N̄KPỌ: Ukem nte Jesus, ana nnyịn inam mme owo ẹdiọn̄ọ akpanikọ emi aban̄ade uduak Abasi. (Joh 18:37) Ana inyụn̄ idara se idide akpanikọ, isitịn̄ akpanikọ, isinyụn̄ ikere n̄kpọ ekededi emi edide akpanikọ, kpa ye oro idụn̄de ke ererimbot emi nsu ye idiọkn̄kpọ ọyọhọde.​—1Co 13:6; Php 4:8.

NTE AKPANAMDE:

• Biere ke imọ iditịn̄ke ikọ-edem idinyụn̄ ikpan̄ke utọn̄ ke ini mbon en̄wen ẹtịn̄de.​—1Th 4:11

• Kûdara ke ini n̄kpọ ọwọrọde owo en̄wen

• Yak nti n̄kpọ emi ẹkemede ndisọn̄ọ owo idem esidat fi esịt

ẸSE VIDIO ORO ‘ẸNYENE IMA KE OTU IDEM MBUFO’​—KÛDARA UKWAN̄IDO, DARA SE IDIDE AKPANIKỌ, EKEM ẸBỌRỌ MME MBỤME EMI:

• Didie ke Deborah ‘akadara ukwan̄ido’?

• Didie ke Alice okokpụhọ nneme esie ye Deborah man mmọ ẹneme nti n̄kpọ?

• Nso idi ndusụk nti n̄kpọ emi ikemede ndineme?