Sidu ye Mbon Emi Ẹmade Jehovah

Ntak emi ikpesidude ye mbon emi ẹmade Jehovah? Sia imesiwak ndikpebe mbon emi isidude kiet, edide mmọ ẹnam eti m̀mê idiọk. (N̄ke 13:20) Ke uwụtn̄kpọ, Edidem Jehoash ama “anam se inende ke enyịn Jehovah” ke ofụri ini emi enye okodude ye Jehoiada emi ekedide akwa oku. (2Ch 24:2) Ke Jehoiada ama akakpa, Jehoash ama ọkpọn̄ Jehovah ke ntak idiọk nsan̄a.—2Ch 24:17-19.

Apostle Paul ekemen esop mme Christian odomo ye “akwa ufọk” onyụn̄ emen mme owo ke esop odomo ye “n̄kpoduoho” ufọk. Edieke nnyịn mîdụkke ndụk ye mbon oro ẹnamde se Jehovah asuade, ọkpọkọm mmọ ẹdi mbonubon nnyịn m̀mê mbon esop nnyịn, iyaka iso idi “n̄kpọ oro ẹnịmde ẹnọ itie ukpono.” (2Ti 2:20, 21) Ntem, ana ika iso inam ufan ye mbon emi ẹmade Jehovah, emi ẹdinyụn̄ ẹn̄wamde nnyịn inam n̄kpọ esie.

ẸSE VIDIO ORO KÛDỤK IDIỌK NDỤK, EKEM ẸBỌRỌ MME MBỤME EMI:

• Nso idi nsio nsio usụn̄ emi owo ekemede ndidụk idiọk nsan̄a edi idiọn̄ọke?

• Nso ikan̄wam nditọete ita oro ikokụtde ke vidio oro ẹtre idiọk ndụk?

• Mme item Bible ewe ikeme ndin̄wam nnyịn imek nti ufan?