Jehovah Ama Mbon Emi Ẹsanade Idem

Ediwak ete ye eka ẹsikpep nditọ mmọ ndisana idem. Ke uwụtn̄kpọ, mmọ ẹsidọhọ nditọ mmọ ẹyet ubọk, ẹnịm ubet mmọ asana, ẹkpọri isọn̄, m̀mê ẹmen mbio ẹkeduọk. Edi, edisana Abasi nnyịn ekebem iso ekpep nnyịn ndisana idem. (Ex 30:​18-20; De 23:14; 2Co 7:⁠1) Imesinọ Jehovah ubọn̄ ke ini isanade idem. (1Pe 1:​14-16) Ikpenyene ndinam ufọk ye n̄kann̄kụk nnyịn asana. Ifọnke isitop mbio iduọk ke usụn̄ ye ke itie nduọkodudu nte ndusụk owo ẹsinamde. Utu ke oro, akpana inam ofụri se ikemede man isọn̄ emi Abasi ọnọde nnyịn mi asana. (Ps 115:16; Edi 11:18) M̀mọ̀n̄ ke isiduọk efọk swid, chewing gum, ye tian mmịn? N̄kpri n̄kpọ ntre ekeme ndiwụt nte idade usanaidem. Ke kpukpru se inamde, iyom ndiwụt “ke idi mme asan̄autom Abasi.”​—2Co 6:3, 4.

ẸSE VIDIO ORO JEHOVAH ESIMA MBON EMI ẸSANADE IDEM, EKEM ẸBỌRỌ MME MBỤME EMI:

• Ndusụk owo ẹsidọhọ ke nso inam mmimọ mînịmke n̄kpọ mmimọ asana?

• Didie ke Ibet Moses okowụt nte Jehovah adade usanaidem?

• Didie ke ikeme ndinam ẹnọ Jehovah ubọn̄?