“Ofụri Isọn̄ Ẹkesem Usem Kiet”

11:1-4, 6-9

Jehovah ama etịmede usem mbon nsọn̄ibuot ke Babel man mmọ ẹsuana ẹyọhọ isọn̄. Mfịn, enye ke atan̄ akwa otuowo emi ẹtode kpukpru idụt ẹnyụn̄ ẹsemde nsio nsio usem obon ọtọkiet. Enye anam mmọ ẹsem “edisana usem” man mmọ “ẹseme ẹkot enyịn̄” esie ẹnyụn̄ “ẹnam n̄kpọ esie ke esịt kiet.” (Zep 3:9; Edi 7:9) “Edisana usem” emi edi se Bible ekpepde nnyịn aban̄a Jehovah ye uduak esie.

Ndikpep obufa usem ikụreke ke ndimụm mbufa ikọ ndọn̄ ke ibuot. Ana ikpep ndikere n̄kpọ ke obufa usụn̄. Kpasụk ntre, ndisem edisana usem emi Bible ekpepde nnyịn ayanam ikpụhọde nte isikerede n̄kpọ. (Ro 12:2) Ana ika iso inam emi man ikọt Abasi ẹka iso ẹdiana kiet.—1Co 1:10.