Nso Inen̄ede Idi Akpan N̄kpọ Inọ Mi?

Jacob ama an̄wana ye angel man ọbọ ata akpan n̄kpọ, oro edi, edidiọn̄ Jehovah. (Ge 32:24-31; Ho 12:3, 4) Nso kaban̄a nnyịn? Ndi imeben̄e idem ndida ofụri odudu nnyịn nnam se Jehovah ọdọhọde man enye ọdiọn̄ nnyịn? Ke uwụtn̄kpọ, nso ke isinam ke ini urua ọduọde ke usen mbono esop mîdịghe edieke ẹdọhọde inam utom ibe ini ke usen mbono esop? Edieke idade ofụri ini, odudu, ye inyene nnyịn inam n̄kpọ Jehovah, enye ayan̄wan̄a ‘edidiọn̄ ọnọ nnyịn tutu nnyịn inanake baba n̄kpọ kiet.’ (Mal 3:10) Enye ayada nnyịn usụn̄, ekpeme nnyịn, onyụn̄ ese aban̄a nnyịn.—Mt 6:33; Heb 13:5.

ẸSE VIDIO ORO KÛYAK N̄KPỌ NDOMOKIET AKPAN FI NDINAM N̄KPỌ JEHOVAH, EKEM ẸBỌRỌ MME MBỤME EMI:

• 

  Didie ke n̄kpọ emi eyenete oro akamade-ma akakabade edi idomo ọnọ enye?

• 

  Didie ke utom nnyịn ekeme ndidi idomo nnọ nnyịn?

• 

  Ntak emi akanade Timothy aka iso ebiere se enye aduakde ndinam nnọ Abasi idem ke enye ama ekedi Christian ke ediwak isua?​—1Ti 4:16

• 

  Didie ke ikeme ndiwụt m̀mê ewe utom idi ata akpan utom nnyịn?