Kpeme Man Udûtiene Utịn̄ Se Mîdịghe Akpanikọ

Idahaemi, edi mmemmem n̄kpọ ndida n̄wed, radio, TV, m̀mê Intanet nsuan etop nnọ mme owo ke nsio nsio itie ke ererimbot. Edi mbon emi ẹkponode “Abasi akpanikọ” isidịghe mmọ ẹma ẹkokop ikọ, mmọ ẹtịn̄ ẹnọ mbon en̄wen, man idikam idue isuan nsu. (Ps 31:5; Ex 23:1) Ndisuan etop emi mîdịghe akpanikọ ekeme ndida akamba mfịna ndi. Edieke oyomde ndifiọk m̀mê se okopde edi akpanikọ, bụp idemfo ete:

• ‘Ndi owo emi eketịn̄de ikọ emi ọnọ mi esitịn̄ akpanikọ?’ Ekeme ndidi owo emi eketịn̄de ikọ oro idiọn̄ọke ofụri se iketịbede. N̄ko, ke ini ndusụk owo ẹkopde ikọ, mmọ ẹsitịn̄ ẹsịn inụn̄. Ntre nen̄ede kpeme edieke mûdiọn̄ọke owo emi ọkọtọn̄ọde mbụk oro. Sia edide mme owo ẹsinen̄ede ẹnịm se mbon emi ẹkamade ifetutom ke esop ẹtịn̄de, ana mmọ ẹkụt ẹte ke se mmọ ẹtịn̄de edi ofụri akpanikọ

• ‘Ndi ikọ emi ayabiat owo enyịn̄?’ Edieke se okopde ekemede ndibiat owo kiet m̀mê ediwak owo enyịn̄, ifọnke etịn̄ ọnọ owo en̄wen.—N̄ke 18:8; Php 4:8

• ‘Ndi mbụk oro ebiet akpanikọ?’ Nen̄ede kpeme ke ini okopde mbụk emi mîbietke n̄kpọ emi ekpetịbede

ẸSE VIDIO ORO NSO KE N̄KPANAM MBAK NDITIENE NTỊN̄ IDIỌK IKỌ MBAN̄A OWO? EKEM ẸBỌRỌ MME MBỤME EMI:

• 

  Nte ẹwetde ke Mme N̄ke 12:18, nso mfịna ke ikọ emi owo etịn̄de ekeme ndiman?

• 

  Didie ke Philippi 2:4 ekeme ndin̄wam nnyịn ifiọk se ikpetịn̄de iban̄a mbon en̄wen?

• 

  Nso ke ikpanam ke ini ẹtọn̄ọde ndida mbon en̄wen nnam mbubru, mîdịghe ẹtịn̄de idiọk ikọ ẹban̄a mmọ?

• 

  Nso ke ikpobụp idem nnyịn mbemiso itọn̄ọde nditịn̄ ikọ mban̄a mbon en̄wen?