Ata Akpan N̄kpọ Oro Okodude ke Tent Utuakibuot

25:9, 21, 22

Ekebe ediomi ekedi ata akpan n̄kpọ oro okodude ke tent utuakibuot ye ke itienna nditọ Israel. Obubịt enyọn̄ emi okodude ke ufọt cherub iba oro okodorode ke okukịp ekebe ediomi okowụt ke Abasi do ye ikọt esie. Kpukpru isua, akwa oku ama esida iyịp ayara enan̄ ye eke ebot odụk Ata Edisana ke Usen Usio-Isop ekesịme ke iso okukịp ekebe ediomi man osio isop idiọkn̄kpọ nditọ Israel. (Le 16:14, 15) Emi akada aban̄a ini oro Jesus, emi edide Akakan Akwa Oku, edidụkde heaven ikowụt Jehovah ke imekpe ufak ibuot mme owo.—Heb 9:24-26.

Wet mme itie N̄wed Abasi oro asan̄ade kiet ye ufọn oro idiade ke ntak uwa ufak Jesus:

ITIE N̄WED ABASI

• 1Jo 1:8, 9

• Heb 9:13, 14

• Ro 6:23

UFỌN

• idotenyịn ndidu uwem ke nsinsi

• ndifen mme idiọkn̄kpọ nnyịn

• ndinyene eti ubieresịt

Nso ke ikpanam man itiene idia ufọn emi?