Iyenen̄ede Itịn̄ Iban̄a Obio Ubọn̄ Abasi ke November

Jesus ama ọkwọrọ “eti mbụk obio ubọn̄ Abasi” ọnọ mme owo. (Lu 4:43) Enye ama onyụn̄ ekpep mme owo ndibọn̄ akam ndọhọ Obio Ubọn̄ oro edi. (Mt 6:9, 10) Ke November, iyenen̄ede itịn̄ iban̄a Obio Ubọn̄ Abasi emi. (Mt 24:14) Mbọk nam ndutịm man etiene esịn idem etịn̄ aban̄a Obio Ubọn̄ Abasi ọfiọn̄ oro. Mme asiakusụn̄ unọ un̄wam ẹkeme ndinọ hour 30 m̀mê hour 50 ke November.

Mbọk kot itien̄wed emi etịn̄de n̄kpọ aban̄a Obio Ubọn̄ Abasi nọ ata ediwak owo ke efakutom mbufo. Ke ini oyomde ndikot itie N̄wed Abasi nnọ owo, kere ban̄a se enye enịmde ke akpanikọ m̀mê ufọkabasi emi enye akade. Edieke owo oro amade se etịn̄de ọnọ enye, nọ enye Enyọn̄-Ukpeme No. 2 2020, emi etịn̄de n̄kpọ aban̄a Obio Ubọn̄ Abasi. Kûbiat ini ndifiak n̄keneme ikọ Abasi ye owo oro, nyụn̄ da kiet ke otu n̄wed emi ẹdude ke Mme Akpan N̄kpọ Isidade Ikpep Owo Bible tọn̄ọ ukpepn̄kpọ Bible ye enye. Ibịghike, Obio Ubọn̄ Abasi ọmọn̄ osobo kpukpru ukara owo efep. (Da 2:44; 1Co 15:24, 25) Ntre yak kpukpru nnyịn isịn idem ikwọrọ ikọ ke November man iwụt ke imama Jehovah, ke imonyụn̄ iyom Obio Ubọn̄ esie edi!