Biere Ndinam N̄kpọ Jehovah

Edieke ete ye eka fo ẹdide Mme Ntiense Jehovah mîdịghe edieke edide afo ke ekpep Bible ye Mme Ntiense Jehovah, ndi omoyom ndina baptism? Ntak emi okpoyomde ndina baptism? Ke ini owo ayakde idem ọnọ Jehovah onyụn̄ anade baptism, ini oro ke enye akabade ata ufan Jehovah. (Ps 91:1) Baptism onyụn̄ ekeme ndinam Abasi anyan̄a owo. (1Pe 3:21) Nso ye nso ke akpanam man odot ndina baptism?

Nịm ke se afo ekpepde ke Bible edi akpanikọ. Edieke n̄kpọ mîn̄wan̄ake fi, nen̄ede dụn̄ọde Bible ye mme n̄wed ikọ Abasi. (Ro 12:2) Fiọk mme n̄kpọ emi anade okpụhọde ke uwem fo, nyụn̄ kụt ete ke okpụhọde ke ntak emi oyomde ndinem Jehovah esịt. (N̄ke 27:11; Eph 4:23, 24) Sibọn̄ akam ben̄e Abasi an̄wam fi. Nịm ke Jehovah ayada edisana spirit esie an̄wam fi onyụn̄ ọsọn̄ọ fi idem. (1Pe 5:10, 11) Ukeme oro afo esịnde ndinam n̄kpọ Abasi iditakke-tak. Idụhe se ifọnde nte ndinam n̄kpọ Jehovah!—Ps 16:11.

ẸSE VIDIO ORO SE AKPANAMDE MAN ODOT NDINA BAPTISM, EKEM ẸBỌRỌ MME MBỤME EMI:

• Nso ikanam ọsọn̄ ndusụk owo ndina baptism, edi nso ke mmọ ẹkenam man ẹkeme ndina?

• Nso ke akpanam man ọbuọt idem ye Jehovah onyụn̄ ayak idem ọnọ enye?

• Nso inam ndusụk owo ẹnam n̄kpọ man ẹdot ndina baptism?

• Didie ke Jehovah esidiọn̄ mbon oro ẹbierede ndinam n̄kpọ esie?

• Nso ke owo ndiyak idem nnọ Abasi nnyụn̄ nna baptism ọwọrọ?