Ntụnọ Owụt ke Jehovah Ama Nnyịn

Ntụnọ edi ndinọ owo item nnyụn̄ n̄kpep owo n̄kpọ, edi enye esịne n̄ko ndinen̄ede owo m̀mê ndinọ enye ufen. Jehovah esitụnọ nnyịn man ikpekeme ndinam n̄kpọ esie ke usụn̄ oro enye amade. (Ro 12:1; Heb 12:10, 11) Ndusụk ini, ntụnọ esibiak owo, edi ke ini inyịmede ntụnọ oro ẹnọde nnyịn, Abasi ayama nnyịn onyụn̄ ọdiọn̄ nnyịn. (N̄ke 10:7) Nso ke ikpeti ke ini itụnọde owo m̀mê ke ini ẹtụnọde nnyịn?

Ke ini itụnọde owo. Mbiowo, mme ete ye eka, ye mbon en̄wen ẹsidomo ndifọn ido ke ini mmọ ẹtụnọde owo, ẹnyụn̄ ẹwụt ke imama owo oro kpa nte Jehovah esinamde. (Jer 46:28) Kpa ye oro anade ntụnọ oro ẹnọde owo ekem ye ndudue m̀mê idiọkn̄kpọ oro enye akanamde, akpana ẹnam emi ke ima.—Tit 1:13.

Ke ini ẹtụnọde nnyịn. Ke ini ẹtụnọde nnyịn, ikpanaha isịn ntụnọ oro, inamke n̄kpọ m̀mê ẹtụnọ nnyịn didie. Ikpakam isọsọp inam se ẹdọhọde. (N̄ke 3:11, 12) Sia nnyịn mîfọnke ima, esiyom ẹtụnọ kpukpru nnyịn, ndien ẹsinam emi ke nsio nsio usụn̄. Ntụnọ emi ekeme ndidi se ikotde ke Bible m̀mê se ikopde ke mbono esop. Ndusụk ini, kọmiti ukpeikpe ẹsitụnọ owo. Edieke isinyịmede ntụnọ oro ẹnọde nnyịn, uwem eyenem nnyịn idahaemi, iyonyụn̄ idu uwem ke nsinsi.—N̄ke 10:17.

ẸSE VIDIO ORO ‘JEHOVAH ESITỤNỌ OWO EKE ENYE AMADE,’ EKEM ẸBỌRỌ MME MBỤME EMI:

• 

  N̄kpọ eketie didie ye Brọda Canon ini enye ekedide eyenọwọn̄, edi didie ke uwem esie okokpụhọde?

• 

  Didie ke Jehovah okotụnọ enye?

• 

  Nso ke mbụk esie ekpep nnyịn?