Wụt ke Amama Mbonubon Fo

Kpa nte itai esinamde n̄kpọ adiana kiet, ntre n̄ko ke ima esinam ubon ẹdiana kiet. Edieke ima mîdụhe, edisọsọn̄ ubon ndidiana kiet nnam n̄kpọ. Didie ke ebe, n̄wan, ye ete ye eka ẹkeme ndiwụt ke imama ubon mmimọ?

Ebe emi amade n̄wan esie esikere aban̄a se n̄wan esie oyomde, akpan̄ utọn̄ ke ini enye etịn̄de ikọ, onyụn̄ odomo ndidiọn̄ọ nte etiede enye ke idem. (Eph 5:28, 29) Enye esinọ ubon esie udia, ọfọn̄, ye n̄kpọ eken oro mmọ ẹyomde. Enye esinịm Utuakibuot Ubon kpukpru urua onyụn̄ anam mme n̄kpọ eken oro ẹdin̄wamde mmọ ẹkpere Abasi. (1Ti 5:8) N̄wan emi amade ebe esie esisụk ibuot ọnọ enye onyụn̄ “enen̄ede okpono” enye. (Eph 5:22, 33; 1Pe 3:1-6) Ana ebe ye n̄wan ẹsifen kiet eken ke ofụri esịt. (Eph 4:32) Ete ye eka emi ẹmade nditọ mmọ ẹsiwụt ke imekere iban̄a kpukpru mmọ, ẹsinyụn̄ ẹkpep mmọ ẹma Jehovah. (De 6:6, 7; Eph 6:4) Mmọ ẹsikere m̀mê nso utọ mfịna ke nditọ mmimọ ẹsinyene ke ufọkn̄wed. Ẹsikere n̄ko m̀mê mmọ ẹsinam n̄kpọ didie ke ini nditọ ufọkn̄wed mmọ ẹdọhọde mmọ ẹtiene ẹnam se mîfọnke. Edieke kpukpru owo ke ubon ẹmade kiet eken, emem oyodu, esịt oyonyụn̄ ana mmọ sụn̄.

ẸSE VIDIO ORO WỤT KE EMENYENE IMA EMI MÎDIBEHE IFEP KE UBON, EKEM ẸBỌRỌ MME MBỤME EMI:

• 

  Didie ke eti ebe esibọk onyụn̄ ama n̄wan esie?

• 

  Didie ke eti an̄wan esiwụt ke imenen̄ede ikpono ebe imọ?

• 

  Didie ke ete ye eka oro ẹmade nditọ mmọ ẹsinam ikọ Abasi odụk nditọ mmọ esịt?