MME AKPAN N̄KPỌ KE IKỌ ABASI

Se Ikemede Ndikpep Nto Adaha Iba

Ẹma ẹbọp ikpọ nnyan adaha iba ke etehe temple (1Nd 7:15, 16; w13 12/1 13 ¶3)

Ẹkesio adaha kiet “Jachin” emi ọwọrọde “Yak Jehovah ọsọn̄ọ owụk,” ẹsio enye eken “Boaz” emi etiede nte ọwọrọ “Ke odudu” (1Nd 7:21; it-1 348)

Jehovah ayanam ikọt esie ẹka iso ẹkpono enye ke temple oro edieke mmọ ẹkade iso ẹbuọt idem ye enye (Ps 127:1)

Ekeme ndidi Jehovah ama an̄wam nnyịn ibe ediwak idomo man ikeme ndidikpono enye. Edi ana ika iso ibuọt idem ye enye man isọn̄ọ ida inam n̄kpọ esie.—1Co 16:13.

Nsio nsio ndise: 1. N̄kaiferi ọbọ sista emi ekpri ediye n̄wed oro “Du Ata Uwem ke Nsinsi!” ke ufọkurua. 2. Ke n̄kaiferi oro ama okokot n̄wed “Du Ata Uwem ke Nsinsi!” ke ufọk esie, enye etie ekere nte idisan̄ade itre sika. 3. Enye ana baptism.

BỤP IDEMFO ETE: ‘Didie ke n̄wụt ke mmọbuọt idem ye Jehovah?’