Ndọ Edi N̄kpọ Ofụri Eyouwem

Ndọ ikọt Abasi esinọ Jehovah ubọn̄, onyụn̄ anam esịt enem ebe ye n̄wan. (Mr 10:9) Edieke oyomde ndọ fo ebịghi onyụn̄ enem, ana anam se Bible ọdọhọde ini oyomde ndimek owo emi edidọde.

Bet tutu afo ebe “ini nsehe uyen,” mbemiso oyomde owo emi edidọde, sia ini emi ke udọn̄ idan̄ esisọn̄ ubọk etieti onyụn̄ ekeme nditịmede fi ekikere. (1Co 7:36) Da ini emi mûdọhọ ndọ kan̄a nam mme n̄kpọ emi edinamde fi enen̄ede ekpere Jehovah onyụn̄ odu uwem nte Christian. Ama anam emi, eyekeme ndinam ndọ fo enem.

Mbemiso enyịmede ndidọ owo, da ini nen̄ede diọn̄ọ utọ owo emi enye edide. (1Pe 3:4) Edieke okụtde n̄kpọ emi etiede nte ayada mfịna edi, mbọk neme ye owo oro. Imesinam n̄kpọ inọ mbonubon nnyịn ye mme ufan nnyịn; ukem ntre, akpana isinen̄ede ima ndinam n̄kpọ nnọ ebe m̀mê n̄wan nnyịn utu ke ndiyom mmọ ikpọn̄ ẹnam ẹnọ nnyịn. (Php 2:3, 4) Edieke odude uwem nte Bible ọdọhọde mbemiso ọdọde ndọ, idisọn̄ke fi ndika iso ndu uwem nte Bible ọdọhọde ke ama ọkọdọ ndọ.

ẸSE VIDIO ORO NDỌ​—IKPEHE 3: ‘BAT SE IDITAKDE’ FI, EKEM ẸBỌRỌ MME MBỤME EMI:

• Ufan Sista oro ye Shane eketie didie ke ntọn̄ọ ntọn̄ọ?

• Nso ke Sista oro ekedikụt nte ini akade?

• Didie ke ete ye eka esie ẹken̄wam enye, ndien nso ke enye ekebiere ndinam?