NTE CHRISTIAN OKPODUDE UWEM
Domo Ndidiọn̄ọ Nte Abasi Esede N̄kpọ
Iyom ndinem Jehovah esịt ke kpukpru se inamde. (N̄ke 27:11) Man ikeme ndinam oro, ana se ibierede ndinam owụt ke ise n̄kpọ nte Abasi esede, idem ọkpọkọm ibet idụhe emi ọdọhọde inam n̄kpọ oro. Nso idin̄wam nnyịn isinam ntre?
Sio ini nịm emi esidade ekpep Bible. Ini ekededi emi ikotde Bible, esitie nte itie ye Jehovah ineme nneme. Imekeme ndise n̄kpọ nte Jehovah esede ima ikere nte enye ekesinamde n̄kpọ ye ikọt esie ke ini mmọ ẹnamde eti n̄kpọ ye ini mmọ ẹnamde idiọkn̄kpọ. Ke ini iyomde ndibiere n̄kpọ, edisana spirit ekeme ndin̄wam nnyịn iti mme n̄kpọ oro ikokotde ke Bible man an̄wam nnyịn ibiere nnennen n̄kpọ.—Joh 14:26.
Sinam ndụn̄ọde. Edieke oyomde ndibiere n̄kpọ, bụp idemfo ete, ‘Ewe itie Bible m̀mê mbụk ke Bible ekeme ndin̄wam mi ndiọn̄ọ nte Jehovah esede n̄kpọ emi?’ Bọn̄ akam ben̄e Jehovah an̄wam fi, nyụn̄ da mme n̄wed ndụn̄ọde esop Abasi emi ẹdude ke usem mbụfo yom mme item Bible emi ẹkemede ndin̄wam fi ebiere n̄kpọ oro.—Ps 25:4.
ẸSE VIDIO ORO ANA ‘IFEHE MBUBA EMI YE IME’—DIA NTI UDIA, EKEM ẸBỌRỌ MME MBỤME EMI:
Nso ikọwọrọ n̄kaiferi kiet ke vidio oro?
Didie ke ndinam ndụn̄ọde ke mme n̄wed nnyịn ekeme ndin̄wam fi edieke utọ n̄kpọ oro ọwọrọde fi?
Didie ke ndida ini n̄kpep ikọ Abasi nnyụn̄ nnam ndụn̄ọde ke mme n̄wed nnyịn edinam isibiere ndinam nti n̄kpọ?—Heb 5:13, 14