MME AKPAN N̄KPỌ KE IKỌ ABASI

Ẹkenam Kpukpru N̄kpọ ke Temple ke Ndutịm

Edidem David ama abahade utom ke temple ọnọ nditọ Levi ye mme oku (1Ch 23:6, 27, 28; 24:1, 3; it-2 241, 686)

Ẹma ẹmek nta ikwọ ye mbon oro ẹkebọde ukpep ndikwọ ikwọ ke temple ntoro Abasi (1Ch 25:1, 8; it-2 451-452)

Ẹma ẹmek ndusụk nditọ Levi ndikpeme inuaotop, ndusụk ẹse ẹban̄a mme n̄kpọuto ufọk Abasi, ẹnyụn̄ ẹnọ nditọ Levi eken utom en̄wen ke temple (1Ch 26:16-20; it-1 898)

Nditọete ke Ufọkmbono Obio Ubọn̄ mbemiso mbonoesop ọtọn̄ọde. 1. Mmọ ke ẹkọm ẹnyụn̄ ẹneme nneme ye kiet eken. 2. Brọda emi ke owụt sista kiet n̄kpọ ke obukpọk ntọt. 3. Sista emi ke esịn okụk ke ekebe. 4. Brọda emi esede aban̄a n̄wed ke ọnọ sista kiet n̄wed. 5. Brọda emi ke enen̄ede n̄kpọ utịn̄ikọ ke mbotutịn̄ikọ. 6. Brọda emi ye ekpri eyen esie ke ẹkpọri isọn̄.

Ikọt Abasi ẹsinam n̄kpọ ke ndutịm sia Jehovah edi Abasi ndutịm.—1Co 14:33.

TIE KERE MBỤME EMI: Nso ye nso iwụt ke ikọt Abasi mfịn ẹnam kpukpru n̄kpọ ke ndutịm?