NTE CHRISTIAN OKPODUDE UWEM
Jehovah Esinyan̄a Mbon Oro Ẹfụhọde
Kpukpru nnyịn imesifụhọ ndusụk ini. Owo ndifụhọ iwọrọke ke enye ibuọtke idem ye Abasi. Idem n̄kpọ, Jehovah ke idem esie esifụhọ ndusụk ini. (Ge 6:5, 6) Edi nso ke ikpanam edieke isinen̄erede ifụhọ ndien ndien m̀mê kpukpru ini?
Bọn̄ akam ben̄e Jehovah an̄wam fi. Jehovah esinen̄ede oyom ndidiọn̄ọ nte etiede nnyịn ke idem. Enye ọdiọn̄ọ ini emi esịt enemde nnyịn ye ini emi ifụhọde. Enye ọdiọn̄ọ ntak isikerede n̄kpọ ntre ye se inamde etie nnyịn ntre ke idem. (Ps 7:9b) Ata akpan n̄kpọ anade idiọn̄ọ edi ke Jehovah ekere aban̄a nnyịn, enye onyụn̄ ekeme ndin̄wam nnyịn ke ini ifụhọde ye ke ini esịt etịmerede nnyịn.—Ps 34:18.
Sikpeme se ekerede. Ke ini esịt ẹtịmerede nnyịn, nnyịn idikopke inemesịt, nnyịn idinyụn̄ ikemeke ndisịn idem nnam n̄kpọ Abasi. Ọfọn inen̄ede ikpeme se ikerede.—N̄ke 4:23.
ẸSE VIDIO ORO NTE NDITỌETE NNYỊN ẸNYENEDE EMEM KPA YE EMI ESIT ETỊMEREDE MMỌ, EKEM ẸBỌRỌ MME MBỤME EMI:
Nso ke Sista Nikki akanam man ekeme ndiyọ ini esịt eketịmerede enye?
Nso ikanam Sista Nikki ekere ke ọfọn imọ ikokụt dọktọ?—Mt 9:12
Nso ye nso ikowụt ke Sista Nikki ama oyom Jehovah an̄wam imọ?