Ndikpeme Se Ikerede Ayanam Isọn̄ọ Ida ye Abasi

Idịghe se isinamde ye nte isitịn̄de ikọ kpọt esiwụt m̀mê imọsọn̄ọ ida ye Jehovah, akpana se isikerede esiwụt n̄ko. (Ps 19:14) Ntak edi oro Bible ọdọhọde isikere n̄kpọ ekededi eke edide akpanikọ, n̄kpọ ekededi eke odotde ẹtịm ẹkere, n̄kpọ ekededi eke enende, n̄kpọ ekededi eke asanade, n̄kpọ ekededi eke ẹmade, n̄kpọ ekededi eke ọwọrọde eti etop, n̄kpọ ekededi eke esịnede eti ido ye n̄kpọ ekededi eke odotde itoro. (Php 4:8) Imọdiọn̄ọ ke idịghe kpukpru ini ke idikeme nditre ndiọi ekikere ndidụk nnyịn esịt. Edi edieke ikpemede se isikerede, ndiọi n̄kpọ ididụkke nnyịn esịt, iyesinyụn̄ ikere nti n̄kpọ. Ima ikpeme se isikerede, oro ayan̄wam nnyịn ikpeme nte isinamde n̄kpọ.​—Mr 7:21-23.

Wet mme utọ ekikere emi mûyomke odụk fi esịt ke idak mme itie Bible emi:

Ro 12:3

Lu 12:15

Mt 5:28

Php 3:13