Abasi Ama Fi
BIBLE ọdọn̄ọ ata nti item emi otode Abasi. Enye idịghe n̄wed usọbọ, edi ekeme ndin̄wam fi ke ini nnanenyịn, ke ini esịt etịmerede fi, ke ini okopde ọkpọsọn̄ mfụhọ, ye ke ini enyenede mfịna ibuot.
Ata akpan n̄kpọ akam edi ke Bible ọdọhọ ke Andibot nnyịn, Jehovah Abasi,a ọdiọn̄ọ nte etiede nnyịn ke idem akan owo ekededi. Enye ada ke ukot ndin̄wam nnyịn iyọ se ededi emi ọwọrọde nnyịn. Se itie Bible iba emi ẹkemede ndidọn̄ nnyịn esịt mi:
“Jehovah emekpere mmọ eke esịt obụn̄ọde; enye onyụn̄ anyan̄a mmọ eke spirit mmọ anuahade.” —PSALM 34:18
“Ami Jehovah Abasi fo mmụm fi ubọk nnasia, Enye emi ọdọhọde fi ete, ‘Kûfehe ndịk. Ami nyan̄wam fi.’”—ISAIAH 41:13
Didie ndien ke Jehovah esin̄wam mbon oro ẹnyenede mfịna ibuot? Nte edikụtde ke mme ibuotikọ oro ẹtienede, Jehovah owụt ke imama nnyịn ke nsio nsio usụn̄.
a Jehovah edi ata enyịn̄ Abasi.—Psalm 83:18.