Sịn Idem Kpep Ikọ Abasi Man Se Ikade Iso ke Ererimbot An̄wan̄a Fi

Kot Daniel 9:1-19 man okụt ntak emi ọfọnde esisịn idem ekpep Ikọ Abasi.

Nen̄ede kere nsio nsio n̄kpọ emi ẹketịbede ke mbụk oro. Nso iketịbe ke ndondo oro? N̄kpọ oro eketie Daniel didie ke idem? (Dan. 5:29–6:5) Ekpedi afo ekedi Daniel, ekpeketie fi didie?

Nen̄ede kere mme n̄kpatan̄a n̄kpọ ke mbụk oro. Etie nte “mme n̄wed” ewe ke Daniel akada anam ndụn̄ọde? (Dan. 9:2; w11 1/1 22 ¶2) Ntak emi Daniel akayararede idiọkn̄kpọ esie ye eke idụt Israel? (Lev. 26:39-42; 1 Ndi. 8:46-50; dp 182-184) Didie ke akam Daniel owụt ke enye ama esisịn idem ekpep Ikọ Abasi?​—Dan. 9:11-13.

Kere mme n̄kpọ emi ekpepde oto mbụk oro. Bụp idemfo:

• ‘Nso ke n̄kpanam man mme n̄kpọ emi ẹtịbede ke ererimbot idisio mi ekikere ikpọn̄ akpan n̄kpọ?’ (Mic. 7:7)

• ‘N̄kpesịn idem n̄kpep Ikọ Abasi nte Daniel, nso ufọn ke ndidia?’ (w04 8/1 12 ¶17)

• ‘Nso ye nso ke n̄kpekpep mban̄a emi ẹdin̄wamde mi n̄ka iso ndu ke ukpeme?’ (Matt. 24:42, 44; w12 8/15 5 ¶7-8)