Ama Ekpep N̄kpọ, Kere Ndibuana Se Ekpepde Oro ye Mbon En̄wen

Ima itie ke idem nnyịn ikpep n̄kpọ, ekeme ndinem nnyịn. Edi ekeme nditetịm nnem nnyịn edieke inemede mme n̄kpọ-uto emi ikụtde ke Ikọ Abasi, emi ẹsọn̄ọde nnyịn idem inọ mbon en̄wen. Mme N̄ke 11:25 ọdọhọ ete: “Owo eke atatde ubọk ọnọ mbon en̄wen mmọn̄, ẹyetat ubọk n̄ko ẹnọ enye mmọn̄.”

Ima ineme se ikpepde ye mbon en̄wen, ayafiak emem nnyịn utom nditi se ikekpepde, se ikekpepde oro oyonyụn̄ etetịm an̄wan̄a nnyịn. Ndien sia se ikekpepde oro ekemede ndin̄wam mbon en̄wen, edinenem nnyịn ndineme utọ n̄kpọ-uto oro ye mmọ.​—Utom 20:35.

Domo emi se: Ke urua emi osụk edide mi, yom ifet emi ekemede ndineme se ekekpepde ye owo en̄wen. Emekeme ndineme ye owo ke ubon mbufo, owo ke esop mbufo, owo itie-utom mbufo, eyen ufọkn̄wed mbufo, mbọhọ-idụn̄ mbufo, mîdịghe owo emi afo okụtde ini ọkwọrọde ikọ. Domo ndineme mme n̄kpọ oro ke ikọ idemfo, kûneme yak awawak n̄kûkọhọ, nyụn̄ neme ke usụn̄ emi ekemede ndin̄wan̄a enye.

Ti: Neme se ekpepde ye mbon en̄wen man ọsọn̄ọ mmọ idem, kûneme man mmọ ẹkụt ke ọmọdiọn̄ọ n̄kpọ.​—1 Cor. 8:1.