Se ẹkenamde isua oko

Jehovah Abasi ama ọnọ prọfet Isaiah spirit esie nditịn̄ ntem mban̄a eyo nnyịn: “Nyada gold ndinịm ke itie okpoho, nyonyụn̄ nda silver ndinịm ke itie ukwak, nda okpoho ndinịm ke itie eto, nda ukwak ndinịm ke itie itiat.” (Isa. 60:17) Ke isua emi ebede, ima inen̄ede ikụt ke ntịn̄nnịm ikọ emi ke aka iso ndisu. Mme Ntiense Jehovah ẹnam nsio nsio ukpụhọde ke utịt ini emi, ndien emi anam n̄kpọ ọfọn ke esop Abasi akan nte ekedide.—Matt. 24:3.