Ndi Mme Ntiense Jehovah Ẹkere ke Ufọkabasi Mmimọ Ọfọn Akan?

Idụhe owo emi mîsidọhọke ke efere eka imọ enem akan. Ntre n̄ko ke edi ye n̄kpọ ufọkabasi. Mîkpedịghe ntre, mme owo ikpesisịnke ibuot isịn itọn̄ ke n̄kpọ ufọkabasi.

Edi Jesus Christ ikọdọhọke ke kpukpru ufọkabasi edida isịm edinyan̄a. Utu ke oro enye ọkọdọhọ ke “inuaotop emi adade esịm uwem afafaha usụn̄ onyụn̄ esịre, ndien mme andikụt enye iwakke.” (Matthew 7:14) Mme Ntiense Jehovah ẹnịm ke mmimọ imokụt usụn̄ oro adade esịm uwem mi. Mîkpedịghe ntre mmọ ẹkpeyom usụn̄ en̄wen ẹdụk.