Didie ke Ẹtịm Esop Mme Ntiense Jehovah?

Otu mbiowo ẹse ẹban̄a esop kiet kiet. N̄kpọ nte esop 20 ẹdu ke circuit kiet. Mbiowo oro ẹsan̄ade-san̄a, oro ẹsikotde esenyịn circuit ẹsika ẹkese nsio nsio esop ke ini ke ini.

Mme Ntiense oro ẹma ẹkenam n̄kpọ Abasi ẹbịghi, emi ẹdude ke ibuot itieutom Mme Ntiense Jehovah ke Warwick, New York, U.S.A, ẹnam Otu Emi Ẹsede Ẹban̄a Utom Nnyịn, mmọ ẹsinyụn̄ ẹda Bible ẹnọ item ye ndausụn̄.​—Utom 15:23-29; 1 Timothy 3:1-7.