Ndi Abasi Enyene Akpan Ebiet Emi Enye Odụn̄de?

Se Bible ọdọhọde

Ih. Abasi enyene ebiet emi enye odụn̄de. Enye odụn̄ ke heaven. Se se mme itie Bible emi ẹtịn̄de:

Edidem Solomon ọkọbọn̄ ọnọ Abasi ete: “Afo nyụn̄ tie ke heaven, kpa akpan ebietidụn̄ fo, kop.”—1 Ndidem 8:43.

Jesus Christ ọkọdọhọ mme mbet esie ẹsibọn̄ akam ẹnọ “Ete [mmọ] emi odude ke heaven.”—Matthew 6:9.

Ke Jesus ama ekeset, enye okodụk “heaven, man enye ke emi akpada ke iso Abasi kaban̄a nnyịn.”—Mme Hebrew 9:24.

Mme itie Bible oro ẹwụt ke Jehovah edi ata owo ye nte ke enye idụhe ke kpukpru ebiet, edi odu ke heaven kpọt.