Ndi Devil Anam Ẹbọ Kpukpru Ufen?

Se Bible ọdọhọde

Bible ọdọhọ ke Satan kpa Devil edi ata owo emi etiede nte okopodudu idiọk andikara emi adade “mme nsunsu idiọn̄ọ” ye “idiọk abian̄a” anam uduak esie. Ke nditịm ntịn̄, Bible ọdọhọ ke enye “ke oforo angel un̄wana.” (2 Thessalonica 2:9, 10; 2 Corinth 11:14) Afanikọn̄ oro Devil adade edi ke ererimbot owụt ke enye odu.

Edi idịghe Devil anam ẹbọ kpukpru ufen. Ntak idọhọde ntre? Abasi ama ọnọ owo ukeme ndimek m̀mê idinam se ifọnde m̀mê se idiọkde. (Joshua 24:15) Ke ini inamde idiọk ubiere, imesibọ ufen.—Galatia 6:7, 8..