Ntak Emi Mme Ntiense Jehovah Mîsikamake Cross Ikpono Abasi?

Ediwak owo ẹda cross nte n̄kpọ mme Christian. Nnyịn Mme Ntiense Jehovah idi mme Christian, edi nnyịn isikamake cross ikpono Abasi. Ntak-a?

Akpa ntak edi ke Bible owụt ke Jesus akakpa ke anyan eto, idịghe ke cross. Ntak en̄wen edi ke Bible enen̄ede odụri mme Christian utọn̄ ete “ẹfehe ẹkpọn̄ ukpono ndem,” ndien ukpono ndem esịne ndida cross n̄kpono Abasi.—1 Corinth 10:14; 1 John 5:21.

Akpan n̄kpọ en̄wen edi ke Jesus ke idemesie ọkọdọhọ ete: “Edieke mbufo ẹnyenede ima ke otu idem mbufo, kpukpru owo ẹyeda emi ẹfiọk ẹte mbufo ẹdi mbet mi.” (John 13:34, 35) Jesus okowụt ke ata ima ke mme owo ẹdida ẹdiọn̄ọ mbon emi ẹdide ata mbet imọ, ikọdọhọke ke ẹdida cross m̀mê mbiet owo ekededi ẹdiọn̄ọ mmọ.