Ikọ Idakisọn̄

a Sia nnyịn mîfọnke ima, imekeme ndinam n̄kpọ mîdịghe itịn̄ ikọ emi ayatde nditọete nnyịn. Ama etịbe ntre, isinam n̄kpọ didie? Ndi imesinam se ikekeme man emem afiak odu? Ndi imesisọsọp ikpe ubọk? Edieke se inamde m̀mê se itịn̄de abiakde owo, ndi isidọhọ ke mfịna mmọ edi oro, ke ibeheke nnyịn? Ekpedi esidi owo ete itịn̄ ekpri ikọ enye ayat nnyịn, ete inam ekpri n̄kpọ enye ayat nnyịn, ndi isidọhọ ke obot nnyịn edi oro? Mîdịghe ndi imesikụt ke edi se ikpụhọde utọ uwem oro?