3. Nso ke Jehovah oyom mme ufan esie ẹnam?

Jehovah ama kpukpru owo, “edi Enye edi ata ufan ye ndinen owo.” (Mme N̄ke 3:32) Jehovah oyom mme ufan esie ẹnam se enye amade ẹnyụn̄ ẹsua se enye asuade. Ndusụk owo ẹsikere ke mmimọ idikemeke ndinam se Jehovah amade nnyụn̄ ntre kpukpru se enye asuade. Edi ti ke Jehovah edi Abasi mbọm. Enye ama owo ekededi emi amade enye ke ofụri esịt onyụn̄ anamde se ekemede man enem enye esịt.—Psalm 147:11; Utom 10:34, 35.

Kpukpru owo ẹsima mme ufan mmọ ẹdi owo akpanikọ. Jehovah n̄ko oyom kpukpru mme ufan esie ẹdi owo akpanikọ. Edi imemke ndidi owo akpanikọ ke ererimbot nsu ye abian̄a emi. Nso ufọn ke ididia ikpedi owo akpanikọ kpukpru ini?

1. Nso idi ata akpan ntak anade idi owo akpanikọ?

Ikpedi owo akpanikọ, iwụt Jehovah ke imama enye inyụn̄ ikpono enye. Nso inam edi ntre? Jehovah ọdiọn̄ọ kpukpru se isikerede onyụn̄ ọdiọn̄ọ kpukpru se isinamde. (Mme Hebrew 4:13) Enye esikụt se nnyịn isinamde emi owụtde ke idi owo akpanikọ; enye onyụn̄ ama se isinamde oro. Ti ke Ikọ esie ọdọhọ ete: “Koro owo abian̄a edide mbubiam ke iso Jehovah, edi Enye edi ata ufan ye ndinen owo.”​—Mme N̄ke 3:32.

2. Didie ke ikeme ndiwụt kpukpru usen ke idi owo akpanikọ?

Jehovah oyom nnyịn ‘itịn̄ akpanikọ inọ kiet eken.’ (Zechariah 8:16, 17) Nso ke emi ọwọrọ? Ọwọrọ m̀mê inam n̄kpọ m̀mê itịn̄ ikọ ye mbonubon nnyịn, mbon itieutom nnyịn, mme Christian nte nnyịn, m̀mê ye mbon ukara, inaha isu nsu, m̀mê isiak mmọn̄ ke ikọ. Owo akpanikọ isiyịpke n̄kpọ owo isinyụn̄ ibreke owo utọtọ. (Kot Leviticus 19:11 ye Ephesus 4:28.) Owo akpanikọ esikpe kpukpru tax emi anade enye ekpe. (Rome 13:5-7) Ikpanam mme n̄kpọ emi ye mme n̄kpọ eken emi Abasi amade, iwụt ke ‘imanam akpanikọ ke kpukpru n̄kpọ.’​—Mme Hebrew 13:18.

3. Nso ufọn ke ididia ikpedi owo akpanikọ?

Mme owo ẹsiberi edem ke owo emi mmọ ẹdiọn̄ọde ke edi owo akpanikọ. Ikpedi owo akpanikọ, oro ayanam nditọete ke esop ẹdu ke ifụre nte ubon kiet. Esịt idinyụn̄ ifịnake nnyịn. Akpanikọ nnyịn ekeme n̄ko ndinam “ukpepn̄kpọ Abasi, Andinyan̄a nnyịn, enyene uku,” onyụn̄ anam mbon en̄wen ẹtiene ẹdi ẹdikpono ata Abasi.​—Titus 2:10.

SỊN IDEM KPEP

4. Jehovah esima owo akpanikọ

Kot Psalm 44:21 ye Malachi 3:​16, ekem ẹbọrọ mbụme emi ẹnyụn̄ ẹneme ẹban̄a mmọ:

• Nso inam fi ekere ke ufọn idụhe owo ndikere ke imekeme ndidịp akpanikọ?

• Ekere ke esitie Jehovah didie enye ama okop nnyịn itịn̄de akpanikọ, idem ke ini ọsọn̄de ndinam oro?

5. Wụt ke edi owo akpanikọ kpukpru ini

VIDIO: Nso ke Owo Akpanam Man Okop Idatesịt?​—Kûnam Se Esịt Edifịnade Fi (2:32)

Kot Mme Hebrew 13:​18, ekem ẹneme nte ikpedide owo akpanikọ . . .

• ke ubon.

• ke itieutom m̀mê ke ufọkn̄wed.

• ke n̄kpọ en̄wen ekededi.

6. Akpanikọ enyene ufọn

Ndusụk ini ekeme nditie nnyịn nte akpanikọ esisịn owo ke mfịna. Edi ikpetịm ise, iyokụt ke mfọnn̄kan n̄kpọ edi nditịn̄ akpanikọ. Kot Psalm 34:​12-16, ekem ẹbọrọ mbụme emi ẹnyụn̄ ẹneme ẹban̄a enye:

• Nso ufọn ke ndidi owo akpanikọ anam ọnọ fi?

1. Ebe ye n̄wan ẹkpedi owo akpanikọ, ndọ mmọ eyenem

2. Owo ekpedi owo akpanikọ ke itieutom, ẹyeberi edem ke enye

3. Owo ekpedi owo akpanikọ, mbon ukara ẹsikpono enye

SE IKPEPDE

Jehovah oyom kpukpru mme ufan esie ẹdi owo akpanikọ kpukpru ini.

Se M̀mê Emeti

• Nso ye nso ke ikpanam man idi owo akpanikọ?

• Nso inam ekere ke ufọn idụhe owo ndikere ke imekeme ndidịp akpanikọ?

• Nso inam fi oyom ndidi owo akpanikọ kpukpru ini?

KPEP N̄KPỌ EN̄WEN

Didie ke mme ete ye eka ẹkeme ndin̄wam nditọ mmọ ẹdi owo akpanikọ?

Sitịn̄ Akpanikọ (1:44)

Ntak ọfọnde inam se ikọn̄wọn̄ọde?

Sinam Se Ọkọn̄wọn̄ọde Man Ẹdiọn̄ Fi (9:09)

Se m̀mê ọfọn isụk ikpe tax ekpededi owo idaha okụk tax oro inam eti n̄kpọ.

“Ndi Akpana Ikpe Tax?” (Enyọn̄-Ukpeme, September 1, 2011)

Nso ikanam ete kiet emi ekeside owo abian̄a ọtọn̄ọ edi owo akpanikọ?

“Mma N̄kpep ke Jehovah Esitua Owo Mbọm Onyụn̄ Efen Ọnọ Owo” (Enyọn̄-Ukpeme, May 1, 2015)

2. Nso inam ebehe Jehovah m̀mê mmanie idi ufan fo?

Jehovah isidịghe ufan ye owo ekededi. Bible ọdọhọ ke “enye edi ata ufan ye ndinen owo.” (Mme N̄ke 3:32) Ekere ke etie Jehovah didie edieke idide ufan ye mbon emi mîmaha enye? Esibiak enye etieti! (Kot James 4:4.) Edi esinem enye ima itre idiọk ndụk inyụn̄ idian idem ye enye ye mbon emi ẹmade enye.​—Psalm 15:​1-4.