San̄a Kpere Abasi

Ndi N̄kpọ Ndomokiet Ekeme “Ndidianade Nnyịn ke Ima Abasi”?

Rome 8:38, 39

ANIE mîyomke ẹma imọ? Ke akpanikọ, esinen̄ede enem nnyịn ke ini ifiọkde ke ubon ye mme ufan nnyịn ẹma nnyịn. Nte ededi, edi n̄kpọ mfụhọ nditịn̄ nte ke mme owo ẹkeme ndima fi mfịn, edi imaha fi aba n̄kpọn̄. Mme ufan ye iman nnyịn ẹkeme ndiyat nnyịn esịt, ẹfre nnyịn, idem ẹsọn nnyịn. Edi odu owo oro amade nnyịn kpukpru ini. Rome 8:38, 39 etịn̄ orụk ima oro Jehovah Abasi amade ikọt esie.

“Uniọn̄ m̀mê utụn̄ọ.” Jehovah esima ikọt esie inamke n̄kpọ m̀mê n̄kpọ etie didie ye mmọ—ọfọfọn m̀mê ọdọdiọk.

“Edibotn̄kpọ efen ekededi.” Paul ndidọhọ edibotn̄kpọ efen ekededi ọwọrọ ke idụhe n̄kpọ ndomokiet oro ekemede ndinam Jehovah etre ndima mbon oro ẹsọn̄ọde ẹda ẹtuak ibuot ẹnọ Enye.

Ima oro Abasi amade mbon oro ẹbuọtde idem ye enye itiehe nte ima emi owo amade ekemmọ owo. Abasi esima ikọt esie ke nsinsi, edi ima owo ekeme ndibịt. Ke akpanikọ, ndifiọk kpukpru emi anam nnyịn itetịm isan̄a ikpere Jehovah onyụn̄ anam isịn ukeme iwụt ke nnyịn imama enye.