• Nso ke Bible Etịn̄ Aban̄a Idan̄?
    Du Ata Uwem ke Nsinsi!—Nneme Bible

    • 4. Emekeme ndibe idomo

      Nso ikeme ndinam ọsọn̄ owo ndibe idomo ndinam idan̄ emi ọdiọkde ke enyịn Abasi? Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.

      VIDIO: Sikot Bible Da Be Idomo (3:02)

      • Nso ke brọda oro akanam ini enye edide edikụt ke se isikerede ye ndụk idụkde ekeme ndinam imọ ikanam ima ye owo emi mîdịghe n̄wan imọ?

      Ndusụk ini idiọk ekikere esidụk idem mbon emi ẹmade Abasi esịt. Nso ke ikpanam man nnyịn idisitie ikere oburobụt n̄kpọ? Kot Philippi 4:8, ekem ẹbọrọ mbụme emi ẹnyụn̄ ẹneme ẹban̄a mmọ:

      • Nso ye nso ke ikpesikere?

      • Didie ke ndisikot Bible nnyụn̄ nsịn idem ke n̄kpọ Jehovah ekeme ndin̄wam nnyịn isibe idomo?

  • Ekpesitịn̄ Ikọ Didie Yak Enem Jehovah?
    Du Ata Uwem ke Nsinsi!—Nneme Bible

    • 3. Nso idin̄wam nnyịn isitịn̄ se isọn̄ọde owo idem?

      Se isịnede nnyịn ke esịt m̀mê se ikerede ke isiwakde nditịn̄. (Luke 6:45) Ntre ana isikere nti n̄kpọ​—n̄kpọ emi enende, asanade, ẹmade, ye n̄kpọ emi ọwọrọde eti etop. (Philippi 4:8) Ana ikpeme utọ ufan emi inyenede ye utọ ikwọ m̀mê fim emi isimade ndise man ikeme ndisikere nti n̄kpọ. (Mme N̄ke 13:20) Ọfọn n̄ko isikere kan̄a se iyomde nditịn̄ mbemiso itịn̄de. Kere nte se oyomde nditịn editiede mbon en̄wen. Bible ọdọhọ ete: “Enyene owo emi etịn̄de ikọ ye unana edikere, nte emi akan̄kan̄ ekịmde, edi edeme mbon ọniọn̄ ọkọk unan.”​—Mme N̄ke 12:18.