• “Ẹtịm Ẹkere Enye Emi Ọkọyọde”
    “Ditiene Mi”

    • ‘Ẹtiene Nde Ikpat Esie Ketket’

      20, 21. Didie ke Jehovah oyom nnyịn iyọ, ndien nso ke ikpebiere ndinam?

      20 Jesus ama ọfiọk ke idimemke utom inọ mme anditiene imọ, ke oyoyom mmọ ẹyọ. (John 15:20) Enye ama eben̄e idem ndida nnyịn usụn̄ sia ọkọfiọkde ke uwụtn̄kpọ imọ ọyọsọn̄ọ mbon en̄wen idem. (John 16:33) Jesus ama enịm mfọnmma uwụtn̄kpọ ke ndiyọ n̄kpọ; edi nnyịn ikpetke-kpet ndidi mme mfọnmma owo. Nso ke Jehovah oyom nnyịn inam? Peter ọbọrọ ete: “Christ ama okụt ukụt ke ntak mbufo, onyụn̄ ọkpọn̄ uwụtn̄kpọ ọnọ mbufo man mbufo ẹkpetiene nde ikpat esie ketket.” (1 Peter 2:21) Jesus ama enịm “uwụtn̄kpọ” ọnọ nnyịn ndikpebe ke nte enye ọkọyọde idomo.a Uwụtn̄kpọ oro enye ekenịmde ke ndiyọ idomo etie nte “nde ikpat.” Nnyịn ikemeke nditiene nde ikpat esie ke mfọnmma usụn̄, edi imekeme nditiene enye “ketket.”

  • “Ẹtịm Ẹkere Enye Emi Ọkọyọde”
    “Ditiene Mi”

    • a Ikọ Greek oro ẹkabarede “uwụtn̄kpọ” ọwọrọ, ke ata ata usụn̄, “n̄kpọ oro ẹwetde man ẹse ẹwet ukem ukem ke idak esie.” Apostle Peter edi n̄kukụre owo ke otu mme andiwet N̄wed Abasi Christian Usem Greek oro akadade ikọ oro ẹkabarede “uwụtn̄kpọ” mi, emi ẹdọhọde ke ọwọrọ “n̄kpọ emi ẹwetde ke n̄wed ẹnọ eyenọwọn̄ ẹte ese ewet ukem ukem se ẹwetde oro.”