Ikwọ 22
“Jehovah Edi Andibọk Mi”
(Psalm 23)
1. Jehovah ’di Andibọk mi;
Ntak emi n̄kpokopde ndịk?
Etịm ekpeme mm’erọn̄ esie
Idifreke baba kiet.
Owụt mi mmọn̄ nduọkodudu,
Edemede ukpọn̄ mi.
Emekpeme ikpatisan̄ mi
K’usụn̄ edinen ido
Emekpeme ikpatisan̄ mi
K’usụn̄ edinen ido.
2. Nsan̄a ikpọn̄ k’ata ekịm,
Edi ndifeheke ndịk.
Akwa Andikpeme do y’ami;
Esan̄ esie ’kpeme mi.
Ada ’ran eyet mi k’ibuot;
Cup mi etịm ọyọhọ.
Ima-mfọn esie etiene mi,
Ndien nyodụn̄ k’ufọk esie.
Ima-mfọn esie etiene mi,
Ndien nyodụn̄ k’ufọk esie.
3. Andibọk mi edi ọniọn̄!
Nyọkwọ itoro esie.
Mbụk idara ukpeme esie
Nyada nsọk mbon mbieterọn̄.
Nyanam Ikọ esie ketket,
Ntịm nsan̄a k’usụn̄ esie.
Ifet mi ndinam utom esie,
Nyadara k’usen k’usen.
Ifet mi ndinam utom esie,
Nyadara k’usen k’usen.