Printed Edition
Ikwọ 135
Ndiyọ Tutu Esịm Utịt
1. Kpukpru mm’un̄wọn̄ọ Abasi
Ẹnọ nnyịn ntak ndiyọ.
S’ekekpepde onyụn̄ ama
Ẹdi ata ’kpanikọ.
Sọn̄ọ da ke mbuọtidem fo,
Kûfre usen Abasi.
Tịm mụm nsọn̄ọnda fo kama;
Koro ẹyedomo fi.
2. Mụm akpa ima fo kama,
Mbak enye edikpa.
Kpa ye ’disobode mfịna,
Yọ, kpa ye s’iditakde.
Kûyak ndịk anam fi k’ini,
Idomo ẹsịmde fi.
Jehovah ayanyan̄a fi,
Abasi ekpere nnyịn.
3. Ẹyenyan̄a kpukpru mmọ ’ro
Ẹyọde ’sịm utịt.
Ẹyesịn mmọ ke n̄wed uwem,
Oro n̄kpọ mîdinamke.
Ke ntre biere ndime ime;
Yak enye ’kụre utom.
Afo ’yokụt mfọn Jehovah;
Esịt onyụn̄ adat fi.
(Se n̄ko Heb. 6:19; Jas. 1:4; 2 Pet. 3:12; Edi. 2:4.)