Ndi Enyene Ndusụk Fim, N̄wed, M̀mê Ikwọ Emi Mme Ntiense Jehovah Ẹkpande Mbon Mmọ?

Utọ n̄kpọ oro idụhe. Nnyịn inyeneke mbon emi ẹsitiede ẹse fim, ẹkot n̄wed, m̀mê ẹkpan̄ utọn̄ ẹnọ ikwọ man ẹbiere enye emi ẹkpekpande ye enye emi owo mîkpakpanke. Ntak emi nnyịn mîsinamke utọ n̄kpọ oro?

Bible ọdọhọ yak owo ọnọ “ukeme ufiọkn̄kpọ” esie ukpep man enye ekeme ndifiọk se inende ye se ikwan̄ade.​—Mme Hebrew 5:14.

Ikọ Abasi etịn̄ n̄ko mme n̄kpọ emi Christian ekemede ndikere mban̄a ke ini enye oyomde ndidep fim, n̄wed, m̀mê ikwọ.a Nnyịn inam kpukpru emi koro iyom ‘ndika iso ndụn̄ọde mfiọk se Ọbọn̄ enyịmede.’​—Ephesus 5:10.

Bible ọdọhọ ke ibuot ufọk enyene unen ndibiere n̄kpọ ke ufọk esie, ntre mmọ ẹkeme ndibiere ndusụk n̄wed, ikwọ, m̀mê fim emi mmimọ mîdinyịmeke ke ufọk mmimọ. (1 Corinth 11:3; Ephesus 6:1-4) Ke ẹsiode oro ẹfep, owo idọhọke owo ndomokiet akpan mme owo ke esop ndikot ndusụk n̄wed, n̄kop ndusụk ikwọ, m̀mê ndise ndusụk fim.​—Galatia 6:5.