‘Mmọ Ẹma Ẹsisak’

Eren kiet oro anamde utom ekọn̄ ke Hungary ọdọhọ ete ke esisịt ini emi ekebede mme owo ẹma ẹsisak mbon oro ẹkesinyenede nneme ẹban̄a Bible. Edi ini omokpụhọde. Owoekọn̄ emi ke ndondo emi ama ewet ọfis Watch Tower Society ke Budapest, ọdọhọde ete:

“Ke usen ifan̄ emi ẹkebede, ami mma n̄kot n̄wed mbufo oro, Afo Emekeme Ndidu Uwem ke Nsinsi ke Paradise ke Isọn̄. Owo kiet ọkọbuọt mi enye tutu ami n̄kụre ndikot enye. Se ẹwetde ke n̄wed oro ama otụk mi ntotụn̄ọ ntotụn̄ọ ama onyụn̄ anam mi n̄kere n̄kpọ.” Owoekọn̄ oro ama oyom Bible ye ntọt efen efen. Utọ edinam oro idịghe esen n̄kpọ aba ke Edem Usiahautịn Europe.

Leta efen oro ẹkebọde ke ọfis Budapest ọdọhọ ete: “Ami mma n̄kot n̄wed Afo Emekeme Ndidu Uwem ke Nsinsi ke Paradise ke Isọn̄. N̄wed oro omotụk mi ata ntotụn̄ọ ntotụn̄ọ, ndien ami n̄wet mbufo ndiben̄e nte yak Ntiense kiet edi ufọk mi man n̄kpenyene ukpepn̄kpọ Bible ofụri ini.”

Afo Emekeme Ndidu Uwem ke Nsinsi ke Paradise ke Isọn̄ edi n̄wed oro ọnọde idotenyịn ke ndiyan ubọk n̄n̄wụt fi mme ibọrọ Bible. Enye edi okopodudu n̄kpọutom ke ndikpụhọde uwem ediwak owo. Edieke afo edimade ndibọ ntọt ke nte afo ekemede ndibọ idem kiet, mbọk wet n̄kpọ yọhọ nyụn̄ nọ babru emi etienede mi edi.

Ami n̄kpama ndibọ ntọt ke nte n̄kemede ndinyene ọsọn̄ ikpaedem n̄wed Afo Emekeme Ndidu Uwem ke Nsinsi ke Paradise ke Isọn̄ emi enyenede page 256.

[Ndise ke page 32]

Ye eti ntak, ete m̀mê eka eyenyịme edima eyen osobo ubiak ubiak usiakidem. Abasi n̄ko enyene nti ntak ke ndiyak ubonowo okụt ndutụhọ ke ibio ini