Ikwọ 73
Ẹnyene Ufiop Ufiop Ima ke Ofụri Esịt
1. Ana ima oto esịt,
Do k’ima nnyịn esitọn̄ọ;
Anam ikere iban̄a
Ndima nditọete.
Iyoyom mme usụn̄ ndiwụt
Nti uduak emi ’nyenede,
Itatde ubọk nt’Abasi,
Iwụt ata ima.
Ima k’ikọ y’edinam,
Ifọn ido ye mbon unana,
Iyak eti ’do ada
Usụn̄ ke kpukpru ifet.
Nnyịn iyokpono mme owo;
Ifọn ido ke kpukpru ’sụn̄.
Ifen ndudue nditọete.
Nnyịn iyọsọn̄ọ ida,
Inam n̄kpọ idiana kiet.
2. Ke imade ata ima,
Idisọpke iyatesịt;
Emi anam ibuọt idem
Ke nditọete nnyịn.
Nnyịn iyenyene nti ufan;
Inyụn̄ idara kiet eken.
Inem esịt ndisop idem,
Ifiak ikop idem.
Idedue k’usen k’usen;
Ndiọi ikọ ẹsikama ubiak.
Ntre nnyịn inyene ndima
Mbon oro Jah amade.
Iyedi ufan ke nsinsi,
Isọn̄ọ mbọbọ kpukpr’ini.
Yak ẹdiọn̄ọ fi k’ima fo.
Kpono Abasi k’enyọn̄,
Kpebe ima Jehovah.
(Se n̄ko 1 Pet. 2:17; 3:8; 4:8; 1 John 3:11.)