Da Ofụri Uwem Fo Nam N̄kpọ Jehovah

Idụhe eke mîmaha uwem, edi se idade uwem nnyịn inam ediwụt m̀mê imama enọ emi Jehovah ọnọde nnyịn. Sia Jehovah edide Andinọ uwem, nnyịn Mme Ntiense esie imesida enọ oro enye ọnọde nnyịn inam n̄kpọ esie. (Ps 36:9; Edi 4:11) Edi mfịna ererimbot emi osụk ekeme ndinam owo okûsịn idem anam n̄kpọ Abasi. (Mr 4:​18, 19) Edi ana owo kiet kiet obụp idemesie ete: ‘Ndi ke nda ofụri uwem mi nnam n̄kpọ Jehovah? (Ho 14:2) Nte utom emi nnamde esinọ mi ini nnam n̄kpọ Jehovah? Nso ye nso ke mbiere ndinam nnọ Jehovah? Didie ke n̄keme ndisịn idem n̄kwọrọ ikọ n̄kan nte nsụk nnamde idahaemi?’ Edieke okụtde ebiet oro anade anam ukpụhọde, bọn̄ akam ben̄e Jehovah an̄wam fi, ekem nam se ebierede. Eyedikụt ke esinenem ndinam n̄kpọ Jehovah, ndien emi esinam inen̄ede ikop inemesịt.​—Ps 61:8.

ẸSE VIDIO EMI, DA IFIỌK EMI JEHOVAH ỌNỌDE FI NAM N̄KPỌ ESIE, EKEM ẸBỌRỌ MME MBỤME EMI:

• Ntak emi mîfọnke ada enọ emi Jehovah ọnọde fi anam se ererimbot Satan emi amade? (1Jo 2:17)

• Didie ke Jehovah esidiọn̄ mbon oro ẹdade ofụri uwem mmọ ẹnam n̄kpọ esie?

• Ekere ke akpada enọ emi Jehovah ọnọde fi anam nso ke esop esie?