UKPEPN̄KPỌ 7

Tịn̄ Se Inende ke Usụn̄ Emi Anamde Owo Enịm

Luke 1:3

SE AKPANAMDE: Da se afo ọdiọn̄ọde ke edi ata akpanikọ kpep owo n̄kpọ.

Tịn̄ se idide akpanikọ. Da Ikọ Abasi kwọrọ ikọ. Utu ke nditetịn̄ se Bible ọdọhọde, kokụbọde Bible kot. Edieke oyomde nditịn̄ se ntaifiọk ẹketịn̄de, m̀mê se okokopde ke mbụk n̄kpọntịbe, m̀mê se iketịbede inọ owo, m̀mê n̄kpọ en̄wen, mbọk nen̄ede se m̀mê se oyomde nditịn̄ oro edi ofụri akpanikọ.
Kûtịn̄ se mîdịghe akpanikọ. Ke ini oyomde ndinam itie N̄wed Abasi an̄wan̄a owo, kûtịn̄ se Bible mîtịn̄ke, m̀mê se “ofụn emi anamde akpanikọ” mîkpepke. (Matt. 24:45) Edieke adade n̄kpọ oto n̄wed ererimbot, kûtịn̄ se n̄wed oro mîtịn̄ke.

Kûtịn̄ ikọ usịn usịn. Kûdi ẹkedọhọ “ndusụk owo,” afo ọdọhọ “ediwak owo.” Ẹdọhọ, “ndusụk ini,” afo ete “kpukpru ini.” Ẹdọhọ, “ekeme ndidi,” afo ọdọhọ okwo, “ekedi ntem ye ntem.”
Nam se afo ekpepde an̄wan̄a owo. Ke ama okokot itie N̄wed Abasi ama, m̀mê ke ama eketịn̄ se n̄wed ererimbot etịn̄de, bụp mbụme mîdịghe nọ uwụtn̄kpọ emi edinamde se afo ekpepde an̄wan̄a owo.