UKPEPN̄KPỌ 2

Yak Etie Nte Nneme

2 Corinth 2:17

SE AKPANAMDE: Tịn̄ nte esitịn̄de ikọ kpukpru usen; yak nte etịn̄de ikọ owụt ke amama mme owo onyụn̄ ama se etịn̄de.

Bọn̄ akam nyụn̄ nen̄ede tịm idem. Ben̄e Jehovah an̄wam fi ekeme ndikwọrọ ikọ fo ọfọn. Utu ke ndikere nte mme owo ẹdisede fi, kam kere akpan n̄kpọ emi oyomde ndikpep mmọ. Tịn̄ nte ikọ idemfo, kûkokot ke n̄wed.

Edieke oyomde ndikot Bible m̀mê n̄wed en̄wen, nen̄ede tịm idem man etịm ọfiọk se oyomde ndikot mban̄a. Emi ayanam okot enye ọfọn. Kpụhọ uyo ke ini okotde se nsio nsio owo ẹketịn̄de, edi kûyak etie nte osio ndyọ.
Tịn̄ ikọ ke ofụri esịt. Tie kere ntak emi anade mme owo ẹkop se oyomde nditịn̄. Kere ban̄a mmọ. Yak nte etịn̄de ikọ, nte enịmde iso, nte adade, ye nte anamde n̄kpọ owụt ke amama mmọ. Wụt n̄ko ke se etịn̄de oto fi esịt.

Ndinam nte eneme nneme iwọrọke ndinam nte ebre mbre. Nam enye ata ukpono ukpono nte n̄kpọ Abasi. Yak ikọ fo enem onyụn̄ an̄wan̄a owo.
Se owo iso. Se owo emi etịn̄de ikọ ọnọ edieke owo mîdaha oro nte usọn̄enyịn ke edem mbufo. Ke ini ọkwọrọde ikọ ọnọ otuowo, se owo kiet kiet iso utu ke ndisasuan enyịn nse otuowo.