Mme N̄wed Emi Ẹsiakde ke N̄wed Mbono Esop Uwem ye Utom Nnyịn
MAY 2-8
MME AKPAN N̄KPỌ KE IKỌ ABASI | 1 SAMUEL 27-29
“Se David Akanamde Man Akan ke Ekọn̄”
Ẹyak Nnyịn Itoro Enyịn̄ Jehovah Ọtọkiet
7 David ama oto Nob ke n̄kan̄ edem usoputịn efehe ke n̄kpọ nte kilomita 40 aka obio Philistine ekedịbe ke ebiet Achish ọbọn̄ Gath, kpa obio emana Goliath. Anaedi David ekekere ke Saul idiyomke imọ idisịm Gath. Nte ededi, ikebịghike ikọt Achish ẹma ẹdiọn̄ọ David. Ke ini David okokopde ke ẹdiọn̄ọ imọ, ‘ndịk Achish edidem Gath anam enye etieti.’—1 Samuel 21:10-12.
8 Ekem mbon Philistine ẹma ẹmụm David. Etie nte ini oro ke David ekewet psalm emi enye ekeben̄ede Jehovah ke ofụri esịt ete: “Da mmọn̄eyet mi sịn ke ekpeme fo.” (Psalm 56:8 ye ikọ enyọn̄ ibuot psalm emi) Ntem enye ama owụt ke imenyene mbuọtidem ke Jehovah idifreke enyịn iban̄a mfụhọ imọ, edi ke enye eyetịm ese aban̄a onyụn̄ ekpeme imọ. David ama ekere n̄ko se enye edinamde man abian̄a edidem Philistine oro. Enye ama ọtọn̄ọ ndinam nte idi idat. Ke ini Ọbọn̄ Achish okụtde ikọt esie ẹmende “idat” ẹsọk enye, enye ama asua ọnọ mmọ. Nte an̄wan̄ade, Jehovah ama ebere ye David ke edinam oro. Ẹma ẹbịn David ẹsio ke obio ke enye ama akafiak ọbọhọ n̄kpa ke ikwa ifụhi.—1 Samuel 21:13-15.
N̄kpri Nditọete Irenowo—Nso ke Ẹkpenam Man Ẹberi Edem ke Mbufo?
8 David ama enyene mfịna en̄wen. Ke ẹma ẹkeyet David aran nte edidem, enye ama ebet ediwak isua mbemiso ẹnam enye ọtọn̄ọ ndikara Judah. (1 Sam. 16:13; 2 Sam. 2:3, 4) Nso ikan̄wam David ebet ofụri oro? Enye ikayakke idem emem enye, akakam ada ufan̄ oro anam se enye ekemede. Ini enye efehede Saul okodụn̄ ke obio mbon Philistia, enye ama ada ufan̄ oro an̄wana ye mme asua Israel. Oro ama anam enye ekeme ndikpeme adan̄a Judah.—1 Sam. 27:1-12.
Ntak Emi Ikpetịn̄de Akpanikọ?
Nso uwụtn̄kpọ ke Jesus Christ ekenịm ke afan̄ emi? Ini kiet, Jesus ama enyene nneme ye mbon oro mînịmke ke akpanikọ, mmọ ẹma ẹnyụn̄ ẹyom ndifiọk n̄kpọ mban̄a isan̄ esie. Mmọdo, mmọ ẹma ẹdọhọ enye ete: “Daha ke ebiet emi nyụn̄ ka ke Judea.” Nso ke Jesus ọkọbọrọ? “Mbufo ẹdọk ẹka usọrọ [ke Jerusalem]; ami ndidọkke kan̄a n̄ka usọrọ emi, koro ini mi ikemke kan̄a.” Edi ikebịghike ke oro ebede, Jesus ama ọdọk aka Jerusalem ndikodụk usọrọ oro. Ntak emi enye ọkọbọrọde mmọ ntre? Koro mmọ ikenyeneke unen ndifiọk ebiet emi enye odude. Ntre, okposụkedi Jesus mîkabian̄ake–bian̄a mmọ, enye ikọnọhọ mmọ nnennen ibọrọ, man akpan ntịme emi mmọ ẹkpekesịnde ye enye m̀mê ye mme mbet esie. Edi emi ikedịghe nsu, sia apostle Peter ekewet ntem aban̄a Christ: “Enye ikanamke idiọkn̄kpọ, owo ikonyụn̄ ikwe enye abian̄a ke inua.”—John 7:1-13; 1 Peter 2:22.
Yom N̄kpọuto ke Ikọ Abasi
Ndi Mme Akpan̄kpa Ẹkeme Ndin̄wam Mme Odu-Uwem?
Kere ise. Bible ọdọhọ ke owo ama akpa, ke “enye afiak ke ntan esie,” ye nte ke “mme uduak esie ẹtak.” (Psalm 146:4) Saul ye Samuel ẹma ẹfiọk ke Abasi imaha owo enyene ebuana ye mme enyene-nsan̄a ekpo. Idem n̄kpọ, n̄kọ Saul akakam ada iso nditre edinam ubụpekpo ke idụt oro!—Leviticus 19:31.
Kere ban̄a n̄kpọ emi. Edieke Samuel emi akanamde akpanikọ okpokosụk odude uwem nte spirit, ndi enye akpakabiat ibet Abasi onyụn̄ ebere ye enyene-nsan̄a ekpo man Saul osobo ye imọ? Jehovah ikenyeneke aba nneme ye Saul. Ndi enyene-nsan̄a ekpo ndien ekpekenyịk Ata Ọkpọsọn̄ Abasi ọdọn̄ Samuel emi ama akakpa okotobo Saul etop? Baba. Ana in̄wan̄-in̄wan̄ ke inua-okot Samuel emi ikedịghe anam-akpanikọ prọfet Abasi oro akakpade. Enye ekedi spirit—idiọk demon emi akanamde nte idi Samuel emi akakpade.
MAY 9-15
MME AKPAN N̄KPỌ KE IKỌ ABASI | 1 SAMUEL 30-31
“Da Jehovah Abasi Fo Sọn̄ọ Idem”
Bak Jehovah Nyụn̄ Kop Inemesịt!
12 David ndibak Jehovah ama ọbiọn̄ọ enye ndinam idiọk, onyụn̄ ọsọn̄ọ enye idem ndinyene iwụk nnyụn̄ nnam n̄kpọ ye eti ibuot ke ini enye okodude ke nnanenyịn. David ye ikọt esie ẹma ẹkedịbe ke Ziklag obio-in̄wan̄ mbon Philistine ke isua kiet ye ọfiọn̄ inan̄, man ẹbọhọ Saul. (1 Samuel 27:5-7) Ini kiet, mbonekọn̄ Amalek ẹma ẹdifọp obio oro ẹnyụn̄ ẹtan̄ iban, nditọ, ye ufene David ye eke kpukpru ikọt esie ke ini mmọ mîkodụhe. David ye ikọt esie ẹma ẹtua eyet ke ini mmọ ẹkenyọn̄de ẹdi ẹdikụt se iketịbede. Mfụhọ ama ọsọsọp akabade iyatesịt, ndien ikọt David ẹma ẹdọhọ ẹtọn̄ọ enye ke itiat. Okposụkedi oro akanamde David ofụhọ, enye ikọduọkke idotenyịn. (Mme N̄ke 24:10) Mbak Abasi ama anam enye oyom Jehovah onyụn̄ “ọsọn̄ọ esịt esie ke Jehovah.” Abasi ama an̄wam David ye ikọt esie ẹsọp ẹkesịm mbon Amalek ẹnyụn̄ ẹbọ mmọ kpukpru se mmọ ẹkewode.—1 Samuel 30:1-20.
Jehovah Ekpeme Nnyịn Enịm Ọnọ Edinyan̄a
14 David ama osobo ediwak afanikọn̄. (1 Sam. 30:3-6) Bible owụt ke Jehovah ama ọfiọk nte eketiede enye ke idem. (Kot Psalm 34:18; 56:8.) Abasi ọfiọk nte etiede nnyịn ke idem n̄ko. Ke ini “esịt obụn̄ọde” nnyịn m̀mê ke ini ‘spirit nnyịn anuahade,’ enye esisịk ekpere nnyịn. Enye ndisịk n̄kpere nnyịn ekeme ndidọn̄ nnyịn esịt, kpa nte ọkọdọn̄de David, emi ọkọkwọde ete: “Ami nyadara nnyụn̄ ndat esịt ke ima-mfọnido fo, koro afo omokụt ukụt mi; afo ọmọfiọk nnanenyịn ukpọn̄ mi.” (Ps. 31:7) Jehovah esikụt afanikọn̄ nnyịn onyụn̄ anam n̄kpọ aban̄a oro. Enye esisọn̄ọ nnyịn idem ebe ke ndidọn̄ nnyịn esịt nnyụn̄ nsịn udọn̄ nnọ nnyịn. Mme mbono esop ẹdi usụn̄ kiet emi enye esidade anam emi.
Yom N̄kpọuto ke Ikọ Abasi
Mme Akpan N̄kpọ Ẹtode Akpa N̄wed Samuel
30:23, 24. Ubiere oro ọkọn̄ọde ke Numbers 31:27 mi owụt ke Jehovah enen̄ede ama mbon oro ẹberede ye ndutịm esop. Ntre, se ededi oro inamde, ẹyak ‘inam ke ofụri ukpọn̄ nte inam inọ Jehovah, inamke inọ owo.’—Colossae 3:23.
MAY 16-22
MME AKPAN N̄KPỌ KE IKỌ ABASI | 2 SAMUEL 1-3
“Nso ke Ikpep Ito ‘Ikwọ Utịgha’?”
Ẹkpono Mmọ Ẹmi Ẹnọde Odudu Ẹte Ẹkpeme Mbufo
9 Ndi David ama okop mfụhọ ke ini ẹkenamde n̄kpọ ye enye ke idiọk usụn̄? David ama eseme ọnọ Jehovah ete: “Mbon nsọn̄-ido ẹnyụn̄ ẹyom ukpọn̄ mi.” (Psalm 54:3) Enye ama an̄wan̄a esịt esie ọnọ Jehovah ete: “Sio mi mme asua mi ke ubọk, O Abasi mi . . . n̄kpọsọn̄ owo ẹsop idem ẹyom mi; idịghe ndudue mi, inyụn̄ idịghe idiọk ido mi esịn, O Jehovah. Idiọk ido idụhe, ndien mmọ ẹfen̄e ẹka ẹketịm idem mmọ. Demede, di sobo ye ami, nyụn̄ se.” (Psalm 59:1-4) Nte akanam etie fi ukem ntre ke idem, nte ke afo uduehe owo emi akamade odudu, edi enye aka iso ndifịna fi? David iketreke ndinọ Saul ukpono. Ke ini Saul akakpade, utu ke ndifrọ ke idatesịt, David ama etịm ikwọ mfụhọ: “Saul ye Jonathan ẹma, ẹnyụn̄ ẹnem, kiet eken ke uwem mmọ, . . . mmọ ẹsọsọp ẹkan ntrukpom, ẹsọn̄ idem ẹkan lion. Mbufo, nditọ Israel iban, ẹtua Saul eyet.” (2 Samuel 1:23, 24) Nso eti uwụtn̄kpọ edinen̄ede n̄kpono enye emi Jehovah ekeyetde aran ke emi edi ntem, idem okposụkedi Saul ekeduede David!
Edida Owo Nnọ—Idiọn̄ọ Mme Akpatre Usen!
8 Bible etịn̄ n̄ko aban̄a ediwak mbon emi ẹkesọn̄ọde ẹda. Yak ineme iban̄a iba ke otu mmọ inyụn̄ ise se ikemede ndikpep nto mmọ. Iditọn̄ọ ye owo emi ọkọsọn̄ọde ada ye David. Mîkpedịghe ntak n̄kpọ kiet, etie nte Jonathan akpan Edidem Saul ekpekedi edidem Israel ke itie ete esie. Edi Jehovah ekemek David ete edi edidem. Jonathan ama enyịme owo emi Abasi ekemekde. Enye ikefịbeke David ida nte ke enye amia mbuba ye imọ. Edi ama “ama enye nte ukpọn̄ esiemmọ,” onyụn̄ ọn̄wọn̄ọ ke imọ idikpọn̄ke enye. Enye ama akam ọnọ David ọfọn̄idem, akan̄kan̄, utịgha, ye ubọpisịn esie, emi ọwọrọde ndikpono enye nte edidem. (1 Sam. 18:1-4) Jonathan ama anam kpukpru se enye ekekeme man ‘ọsọn̄ọ David idem,’ tutu esịm edida ke iso ete esie nnam n̄kpọ emi akpakadade enye ibuot. Enye ama ọsọn̄ọ ada ọdọhọ David ete: “Afo eyedi edidem ke Israel, ami nyonyụn̄ ndi udiana fo.” (1 Sam. 20:30-34; 23:16, 17) Imosụk ise nte David ọkọkwọde ikwọ emi okowụtde adan̄a nte enye akamade Jonathan onyụn̄ ofụhọde n̄kpa esie.—2 Sam. 1:17, 26.
Yom N̄kpọuto ke Ikọ Abasi
it-1 369 ¶2
Brother
“Brother” is also applied to those united in a general cause and having similar aims and purposes. For example, King Hiram of Tyre called King Solomon his brother, not simply because he was an equal in rank and position but also perhaps because of mutual interests in supplying timbers and other things for the temple. (1Ki 9:13; 5:1-12) “Look! How good and how pleasant it is for brothers to dwell together in unity!” David wrote, implying that it is not blood relations alone that make for peace and unity between fleshly brothers. (Ps 133:1) In fact, mutual affection and interest, not common parentage, prompted David to call Jonathan his brother. (2Sa 1:26) Companions having similar natures and dispositions, even when such are bad, are properly called brothers.—Pr 18:9.
MAY 23-29
MME AKPAN N̄KPỌ KE IKỌ ABASI | 2 SAMUEL 4-6
“Ka Iso Bak Jehovah Man Udûnam Se Iyatde Enye”
Mme Akpan N̄kpọ Ẹtode Udiana N̄wed Samuel
6:1-7. Okposụkedi David ekenyenede eti uduakesịt, enye ama abiat ewụhọ Abasi ke ndidomo ndimen ekebe ediomi ke ukpat-n̄kpọ onyụn̄ okụt edikpu. (Exodus 25:13, 14; Numbers 4:15, 19; 7:7-9) Uzzah ndimụm ekebe ediomi oro owụt n̄ko ke owo ndinyene eti uduakesịt ikpụhọkede se Abasi oyomde oto nnyịn.
Jehovah Esinam Se Inende Kpukpru Ini
20 Tịm fiọk ke akpakana Uzzah enen̄ede ọfiọk se Ibet ọkọdọhọde. Ekebe oro ekedi idiọn̄ọ oro owụtde ke Jehovah odu do. Ibet ama enen̄ede anam an̄wan̄a ke owo oro mîdịghe Levite emi otode ubon Kohath ikpenyeneke nditụk Ekebe oro, odụride owo utọn̄ in̄wan̄-in̄wan̄ ete ke owo efen ekededi eke otụkde Ekebe oro iditreke ndikpa. (Numbers 4:18-20; 7:89) Ntre, ndimen edisana ekebe oro ikedịghe n̄kpọ mbubru. Etie nte Uzzah ekedi Levite (okposụkedi enye mîkedịghe oku), ntre enyene ndidi enye ama enen̄ede ọfiọk Ibet. Ke ẹsiode oro ẹfep, ẹma ẹmen Ekebe emi ediwak isua ko ke edem ẹkenịm ke ufọk ete esie man ẹkpeme ekebe oro. (1 Samuel 6:20–7:1) Ekebe oro ama ana do ebịghi ke n̄kpọ nte isua 70, tutu esịm ini emi David ekebierede ndika n̄kemen enye nsio do. Ntre, enyene ndidi Uzzah ama etịm ọfiọk ibet oro aban̄ade Ekebe oro toto ke uyen.
Jehovah Esinam Se Inende Kpukpru Ini
21 Nte ima ikebebem iso itịn̄, Jehovah enyene ukeme ndifiọk se isịnede owo ke esịt. Sia Ikọ esie ọdọhọde ke se Uzzah akanamde okowụt “unana ukpono,” enyene ndidi Jehovah ama okụt ke enye ama enyene ibụk ibụk uduak oro mbụk oro mîsiakke. Nte ekeme ndidi Uzzah ekedi owo iseri, oro esiwakde ndinam n̄kpọ mbe adan̄a oro ẹnịmde? (Mme N̄ke 11:2) Ndi ndisan̄a ke eferife n̄kpat Ekebe oro ubon mmọ ẹkesede enyịn ke ndịbe ama anam enye ekere ke imedi n̄kpọ ikaha? (Mme N̄ke 8:13) Ndi Uzzah ama enen̄ede anana mbuọtidem tutu ekere ke Jehovah akpakayak edisana ekebe oro okowụtde ke Enye odu do ọduọ? Se ededi oro ekedide ntak, nnyịn imetịm ifiọk ke se Jehovah akanamde ama enen. Enyene ndidi enye ama okụt n̄kpọ ke esịt Uzzah oro akanamde Enye ebiere ikpe ọnọ enye iwiwa.—Mme N̄ke 21:2.
Yom N̄kpọuto ke Ikọ Abasi
Top Mbiomo Fo Nọ Jehovah Kpukpru Ini
David nte edidem ama enyene ndusụk nduduọhọ kaban̄a emi. Nte enye akanamde n̄kpọ owụt nte ke idem mbon oro ẹnyenede eti itie ebuana ye Jehovah ẹkeme ndinam n̄kpọ ndusụk ini ke usụn̄ ọdiọkde ẹban̄a mme idaha oro ẹtiede idomo idomo. Akpa David ama ayat esịt. Ekem ndịk ama anam enye. (2 Samuel 6:8, 9) Ẹma ẹsịn itie ebuana mbuọtidem esie ke Jehovah ke ọkpọsọn̄ udomo. Emi ekedi idaha oro etiede nte enye ama okpu nditop mbiomo esie nnọ Jehovah, ke ini enye mîketieneke mme ewụhọ esie. Nte oro ekeme ndidi mme idaha oro nnyịn isisobode ke ndusụk ini? Nte akanam nnyịn imọduọhọ Jehovah ke mme mfịna oro inyenede ke ntak edifụmi mme item esie?—Mme N̄ke 19:3.
MAY 30–JUNE 5
MME AKPAN N̄KPỌ KE IKỌ ABASI | 2 SAMUEL 7-8
“Jehovah Anam Ediomi ye David”
‘Ubọn̄ Fo Ọyọsọn̄ọ Ada’
Jehovah ama se David enen̄erede oyom ndinam. Abasi anam ediomi ye David ete ke imọ iyanam owo ke ubon esie adaha ada emi edikarade ke nsinsi, ke ntak emi David eketen̄ede imọ, man onyụn̄ osu uduak Esie. Nathan etịn̄ un̄wọn̄ọ Abasi emi ọnọ David ete: “Ufọk fo ye ubọn̄ fo ẹdisọn̄ ẹda ke iso fo ke nsinsi: ebekpo fo oyowụhọ ke nsinsi.” (Ufan̄ikọ 16) Anie ke ediomi emi edisu ke idem—emi edikarade ke nsinsi?—Psalm 89:20, 29, 34-36.
‘Ubọn̄ Fo Ọyọsọn̄ọ Ada’
Jesus eyen Nazareth okoto ubon David. Angel eketịn̄ ntem ke ini ọkọtọtde emana Jesus: “Jehovah Abasi ọyọnọ enye ebekpo ete esie David, ndien enye ayakara ufọk Jacob nte edidem ke nsinsi, obio ubọn̄ esie idinyụn̄ inyeneke utịt.” (Luke 1:32, 33) Ntre ediomi oro ẹkenamde ye David okosu Jesus Christ ke idem. Ntem, idịghe mme owo ẹkemek enye ada ukara, edi un̄wọn̄ọ Abasi ọnọ enye unen ndikara ke nsinsi. Ẹyak iti ke un̄wọn̄ọ Abasi isitreke ndisu.—Isaiah 55:10, 11.
Nen̄ede Nịm ke Obio Ubọn̄ Abasi Ayanam Uduak Abasi Osu
14 Ẹyak ise se Jehovah ọkọn̄wọn̄ọde ke ini enye akanamde ediomi ye David. (Kot 2 Samuel 7:12, 16.) Jehovah akanam ediomi emi ye David ke ini David okosụk akarade ke Jerusalem onyụn̄ ọn̄wọn̄ọ ọnọ enye ete ke Messiah edito ubon esie. (Luke 1:30-33) Ntre, Jehovah ama anam ẹdiọn̄ọ ubon emi mfri oro editode onyụn̄ owụt ke owo ufọk David emi enyenede “unen oro ekemde ye ibet” edidi edidem Obio Ubọn̄ Messiah. (Ezek. 21:25-27) Jesus edinam ubọn̄ ufọk David ‘ọsọn̄ọ ọwụhọ ke nsinsi.’ “Mfri [David] oyodu ke nsinsi, ebekpo esie oyonyụn̄ ebịghi nte utịn.” (Ps. 89:34-37) Ukara Messiah ididiọkke tutu amama, mme owo ẹyenyụn̄ ẹbọ ufọn ke nsinsi!
Yom N̄kpọuto ke Ikọ Abasi
it-2 206 ¶2
Last Days
Balaam’s Prophecy. It was before the Israelites entered the Promised Land that the prophet Balaam said to Moab’s King Balak: “Do come, let me advise you what this people [Israel] will do to your people afterward in the end of the days. . . . A star will certainly step forth out of Jacob, and a scepter will indeed rise out of Israel. And he will certainly break apart the temples of Moab’s head and the cranium of all the sons of tumult of war.” (Nu 24:14-17) In the initial fulfillment of this prophecy, the “star” proved to be King David, the subduer of the Moabites. (2Sa 8:2) Evidently, therefore, in that fulfillment of this particular prophecy, “the end of the days” began with David’s becoming king. Since David foreshadowed Jesus as Messianic King, the prophecy would also apply to Jesus at the time when he subdues his enemies.—Isa 9:7; Ps 2:8, 9.
JUNE 6-12
MME AKPAN N̄KPỌ KE IKỌ ABASI | 2 SAMUEL 9-10
“David Ama Ọfọn Ido”
Ke Akpanikọ, Emekeme Ndikop Inemesịt
David ekewet ete: “Owo eke etịmde ndinam ye eyen ubuene [“okop inemesịt,” NW ].” Enye ama aka iso ete: “Jehovah ayanam enye ọbọhọ ke usen nnanenyịn. Jehovah eyekpeme enye, onyụn̄ enịm enye uwem; enye [“oyokop inemesịt,” NW ].” (Psalm 41:1, 2) Ima ima usụn̄ oro David ekekerede aban̄a Mephibosheth, mbụn̄ọ eyen Jonathan edima ufan esie, edi uwụtn̄kpọ oro owụtde nnennen edu oro ikpenyenede iban̄a mme ubuene.—2 Samuel 9:1-13.
Mme Akpan N̄kpọ Ẹtode Udiana N̄wed Samuel
9:1, 6, 7. David ama anam se enye ọkọn̄wọn̄ọde. Ana nnyịn n̄ko idomo ndinam se nnyịn in̄wọn̄ọde.
Mmọ Ẹma Ẹyọ N̄kukịm ke Obụkidem Mmọ
10 Ndusụk isua ke ukperedem Edidem David, ke ntak akwa ima oro enye akamade Jonathan, ama owụt Mephibosheth ima-mfọnido. David ama ayak kpukpru isọn̄ Saul ọnọ enye onyụn̄ emek Ziba asan̄autom Saul nte andise mban̄a isọn̄ emi. David n̄ko ama ọdọhọ Mephibosheth ete: “Afo oyonyụn̄ adia n̄kpọ ke okpokoro mi kpukpru ini.” (2 Samuel 9:6-10) Nte eyịghe mîdụhe ima-mfọnido David ama ọnọ Mephibosheth ndọn̄esịt onyụn̄ an̄wam ndisụhọde ubiak ndo esie. Nso eti ukpepn̄kpọ ke emi edi ntem! Nnyịn n̄ko ikpenyene ndifọn ido ye mbon oro ẹn̄wanade ye n̄kukịm ke obụkidem.
Yom N̄kpọuto ke Ikọ Abasi
it-1 266
Beard
Among many ancient peoples of the East, including the Israelites, a beard was cherished as an evidence of manly dignity. God’s law to Israel prohibited the cutting off of the “sidelocks,” the hair between the ear and the eye, and the extremity of the beard. (Le 19:27; 21:5) This was doubtless because among some pagans it was a religious practice.
JUNE 13-19
MME AKPAN N̄KPỌ KE IKỌ ABASI | 2 SAMUEL 11-12
“Kûyak Idiọkn̄kpọ Oro Odụkde Fi Esịt Akan Fi Ubọk”
Afo Emekeme Ndiwọrọ ke Afia Satan!
10 Jehovah ama ọnọ David inyene ye itie ubọn̄ ye mme n̄kpọ eken, afiak anam enye akan ediwak mme asua esie ke ekọn̄. David ama ama se Jehovah akanamde ọnọ enye onyụn̄ ọdọhọ ke ‘mmọ ẹwak ẹkan nte imọ ikemede ndibụk.’ (Ps. 40:5) Edi David ama edidiọk itọn̄, inyụn̄ iyakke se Jehovah ọnọde enye ekem enye aba. Kpa ye emi enye ekenyenede ediwak iban, enye ama osio esịt esịn ke n̄wan owo. N̄wan oro ekekere Bath-sheba, ebe esie ekedi Uriah owo Hittite. Sia David okosụk ekerede se idọn̄de enye kpọt, enye ama akadan̄ ye n̄wan oro, n̄wan oro onyụn̄ oyomo. David ama anam ẹwot Uriah nte n̄kpọ eke ẹdọhọde ke akpa idiọkn̄kpọ emi enye akanamde ko ikokponke ikem! (2 Sam. 11:2-15) Nso ikọdọdọk David ibuot? Ndi enye ekekere ke Jehovah idikwe se imọ inamde? Se do, eti asan̄autom Jehovah oro ama ayak idiọkitọn̄ akan enye ubọk, ndien mfịna se n̄kpọ oro akada ọsọk enye ikedịghe ekpri. Edi, se inemde edi ke enye ama ediyarade ndiọi n̄kpọ esie onyụn̄ akabade esịt. Jehovah ama efen ọnọ enye. Ama enem enye tutu!—2 Sam. 12:7-13.
Nen̄ede Sụk Ibuot Nọ Jehovah
15 Jehovah ekemek David ibuotufọk, afiak emek enye ete ada idụt Israel usụn̄. Sia David ekedide edidem, enye ama enyene odudu etieti. Ndusụk ini, enye ama ada odudu esie anam mme n̄kpọ emi mîfọnke. (2 Sam. 11:14, 15) Edi enye ama enyịme Jehovah otụnọ imọ; oro okowụt ke enye osụk ibuot ọnọ Jehovah. Enye ama ọbọn̄ akam onyụn̄ an̄wan̄a esịt esie ọnọ Jehovah. Enye ama onyụn̄ odomo ukeme esie ndinam item Jehovah. (Ps. 51:1-4) N̄kpọ efen edi ke enye ama osụhọde idem ada nti item emi mbon en̄wen ẹkenọde enye; idịghe item irenowo kpọt, ye eke iban n̄ko. (1 Sam. 19:11, 12; 25:32, 33) David ama ekpep n̄kpọ oto mme ndudue emi enye akanamde onyụn̄ ada n̄kpọ Jehovah ke ata akpan n̄kpọ ke uwem esie.
Yak Ibet ye Item N̄wed Abasi Ẹda Fi Usụn̄
7 Idịghe tutu ibabiat ibet Abasi nnyịn ida idem ifiọk. Imekeme ndikpep n̄kpọ nto se ikọwọrọde mbon oro ẹkebiatde ibet Abasi. Ẹwet se ikọwọrọde mmọ ke Bible. Mme N̄ke 1:5 ọdọhọ ete: “Owo ọniọn̄ ayakpan̄ utọn̄ onyụn̄ aka iso ọbọ item.” Idụhe owo oro ọnọde nnyịn eti item nte Jehovah. Imesikụt nti item emi ke ini ikotde inyụn̄ itiede ikere mme mbụk Bible. Ke uwụtn̄kpọ, kere ufen oro Edidem David ọkọbọde ke enye ama akabiat ibet Jehovah onyụn̄ esịn efịbe ye Bath-sheba. (2 Sam. 12:7-14) Ke ini ikotde inyụn̄ itiede ikere mbụk emi, ọfọn ibụp idem nnyịn ite: ‘Nso ke Edidem David akpakanam mbak enye idibọ utọ ufen oro? Nso ke n̄kpanam edieke utọ n̄kpọ oro ọkpọwọrọde mi? Ndi n̄kpefehe nte Joseph ekefehede mîdịghe ndi n̄kpakam ndọduọ nnyịne nte David ọkọduọde enyịne?’ (Gen. 39:11-15) Ke ini itiede ikere ufen oro idibọde edieke inamde idiọkn̄kpọ, oro ayanam inen̄ede ibiere ‘ndisua se idiọkde nnyụn̄ mma se ifọnde.’
Yom N̄kpọuto ke Ikọ Abasi
‘Ete Mbufo Esitua Owo Mbọm’
11 Akana ẹfen David ye Bath-sheba kan̄a mbemiso ẹkpụhọrede ubiomikpe n̄kpa oro akpakanade ẹnọ mmọ. Mme ebiereikpe Israel ikenyeneke unen ndifen idiọkn̄kpọ enye emi. Ekpedi mmọ ẹkekama ikpe oro, mmọ ikpeketreke ndibiere ikpe n̄kpa nnọ David ye Bath-sheba. Se Ibet ọkọdọhọde edi oro. Nte ededi, Jehovah ama oyom ndise m̀mê odu n̄kpọ oro imọ ikpadade ifen inọ David ke ntak ediomi imọ ye David. (2 Samuel 7:12-16) Ntem, Jehovah Abasi, kpa “Ebiereikpe ofụri ererimbot” emi “odomode esịt,” ama emek ndibiere ikpe oro ke idemesie. (Genesis 18:25; 1 Chronicles 29:17) Abasi ama enen̄ede ọfiọk esịt David, okụt ke enye enen̄ede akabade esịt, onyụn̄ efen ọnọ enye.
Nso ke Jehovah Ndisifen Nnọ Owo Ekpep Fi?
9 Jehovah ama ayak David ọbọ utịp idiọkn̄kpọ esie. Enye ama ọbọ ufen idiọkn̄kpọ esie ke ofụri eyouwem esie. Edi sia Jehovah okokụtde ke David enyene “esịt eke obụn̄ọde onyụn̄ anuahade,” oro edi, ke enye akabade esịt, Jehovah ama efen ọnọ enye. (Kot Psalm 32:5; Ps. 51:17) Ata Ọkpọsọn̄ Abasi ọfiọk nte etiede owo ke idem ye se inamde owo anam idiọkn̄kpọ. Utu ke ndidọhọ mme ebiereikpe Israel ẹda Ibet Moses ẹbiere n̄kpa ẹnọ David ye Bath-sheba, Jehovah ama ekpe ikpe oro ke idemesie onyụn̄ atua mmọ mbọm. (Lev. 20:10) Abasi ama akam anam Solomon eyen mmọ edidem Israel.—1 Chron. 22:9, 10.
10 Ekeme ndidi mbọm emi David akatuade Saul edi n̄kpọ en̄wen emi akanamde Jehovah efen ọnọ enye. (1 Sam. 24:4-7) Nte Jesus ọkọdọhọde, Jehovah esinam n̄kpọ ye nnyịn etiene nte nnyịn inamde n̄kpọ ye mbon en̄wen. Enye ọkọdọhọ ete: “Ẹtre ndibiere ikpe nnọ owo mbak owo edibiere ikpe ọnọ mbufo; koro nte mbufo ẹbierede ikpe ẹnọ owo, kpasụk ntre ke ẹdibiere ẹnọ mbufo; ndien udomo eke mbufo ẹdade ẹdomo ẹnọ owo, ke mmọ ẹdida ẹdomo ẹnọ mbufo.” (Matt. 7:1, 2) Enem didie ntem ndifiọk ke Jehovah eyefen idiọkn̄kpọ nnyịn, ekpededi ikpọ idiọkn̄kpọ nte efịbe m̀mê uwotowo! Enye eyefen ọnọ nnyịn edieke isifende inọ mbon enwen, edieke iyararede idiọkn̄kpọ nnyịn inọ enye, edieke inyụn̄ ision̄ode idem ikpọn̄ idiọkn̄kpọ nnyịn. “Ini nduọkodudu” esito Jehovah esịm mme anamidiọk emi ẹnen̄erede ẹkabade esịt.—Kot Utom 3:19.
JUNE 20-26
MME AKPAN N̄KPỌ KE IKỌ ABASI | 2 SAMUEL 13-14
“Idiọkitọn̄ Amnon Ama Esịn Enye ke Mfịna”
it-1 32
Absalom
Murder of Amnon. The beauty of Absalom’s sister Tamar caused his older half brother Amnon to become infatuated with her. Feigning illness, Amnon contrived to have Tamar sent to his quarters to cook for him, and then he forcibly violated her. Amnon’s erotic love turned to contemptuous hate and he had Tamar put out into the street. Ripping apart her striped gown that had distinguished her as a virgin daughter of the king, and with ashes on her head, Tamar was met by Absalom. He quickly sized up the situation and voiced immediate suspicion of Amnon, indicating a prior alertness to his half brother’s passionate desire. Absalom instructed his sister to raise no accusation, however, and took her into his home to reside.—2Sa 13:1-20.
Kpep Ndifara ke Idem
11 Bible asiak mbon oro ẹkenamde use ke ntak emi mmọ mîkomụmke idem ikama, onyụn̄ anam ikụt se oro esidade edi. Edieke se ikọwọrọde Kim ọwọrọde fi, ti se iketịbede inọ ndisịme akparawa oro Mme N̄ke ibuot 7 etịn̄de aban̄a. Ti n̄ko afanikọn̄ oro edinam Amnon akadade edi. (2 Sam. 13:1, 2, 10-15, 28-32) Ke ini utuakibuot ubon, mme ete ye eka ẹkeme ndida mme itie N̄wed Abasi oro ẹdude ke ikpehe emi n̄n̄wam nditọ mmọ ẹkpep ndifara ke idem ẹnyụn̄ ẹfiọk se ẹkpenamde mbak ẹdiyak idem ẹnọ idomo ẹnyụn̄ ẹnam use.
it-1 33 ¶1
Absalom
Two years passed. Sheepshearing time came, a festive occasion, and Absalom arranged a feast at Baal-hazor about 22 km (14 mi) NNE of Jerusalem, inviting the king’s sons and David himself. When his father begged off from attending, Absalom pressed him to agree to send Amnon, his firstborn, in his stead. (Pr 10:18) At the feast, when Amnon was in “a merry mood with wine,” Absalom ordered his servants to slay him. The other sons headed back to Jerusalem, and Absalom went into exile with his Syrian grandfather in the kingdom of Geshur to the E of the Sea of Galilee. (2Sa 13:23-38) The “sword” foretold by the prophet Nathan had now entered David’s “house” and would continue there for the rest of his life.—2Sa 12:10.
Yom N̄kpọuto ke Ikọ Abasi
Nso Orụk Owo ke Afo Oyom Ndidi?
Usụn̄ en̄wen oro ikemede ndifiọk mme ukpụhọde oro ekemede ndiyom inam edi ndikpep mban̄a mme edu mbon oro ẹsiakde ke Bible inyụn̄ ikere iban̄a nti ye ndiọi edu mmọ. Ke uwụtn̄kpọ, kere ban̄a Joseph eyen Jacob. Kpa ye oro ẹkefịkde enye, enye ama aka iso enyene eti edu ye eti ido uwem. (Gen. 45:1-15) Edi Absalom eyen Edidem David ama anam nte imenen̄ede ima mme owo; enye ama onyụn̄ enen̄ede eye. Nte ededi, enye ekedi owo mbia ye owotowo. (2 Sam. 13:28, 29; 14:25; 15:1-12) Edinanam nte idi eti owo ye uyai inamke owo edi eti owo.
JUNE 27–JULY 3
MME AKPAN N̄KPỌ KE IKỌ ABASI | 2 SAMUEL 15-17
“Ntan̄idem Ama Anam Absalom Ọsọn̄ Ibuot”
Kpebe Mme Asan̄autom Jehovah Oro Ẹkesọn̄ọde Ẹda ye Enye
10 Absalom, eyen Edidem David ikọsọn̄ọke ida ye Abasi sia enye ikosụhọkede idem. Enye okoyom ndidi edidem, ntre enye ama “etịm chariot ye mme enan̄-mbakara ọnọ idemesie, owo aba ye duop ẹnyụn̄ ẹfehe ẹbe iso ẹnọ enye.” (2 Samuel 15:1) Enye ama ada nneminua anam ediwak nditọ Israel ẹda ye enye. Enye ama akam odomo ndiwot ete esie, kpa ye oro enye ọkọdiọn̄ọde ke Jehovah ekemek David ete esie edidem Israel.—2 Samuel 15:13, 14; 17:1-4.
Nam N̄kpọ Abasi Emi Anamde Owo Ọwọrọ Ufụn
5 Bible asiak ediwak owo emi ẹkenamde mbon en̄wen ẹnam se mîfọnke. Owo kiet edi Absalom eyen Edidem David. Absalom ama enen̄ede eye. Ukem nte Satan, enye ama ayak idiọk udọn̄ odụk enye esịt. Enye ama oyom ndibọ ete esie itie nte edidem, kpa ye oro enye mîkenyeneke unen ndikara. Sia Absalom okoyomde ndida n̄kari mbọ edidem itie, enye ama anam nte imenen̄ede ikere iban̄a nditọ Israel onyụn̄ anam etie nte ke edidem ikereke iban̄a mbio obio. Kpa nte Devil akanamde ke In̄wan̄ Eden, Absalom akanam nte ikam iyom ndin̄wan̄wam mme owo, ke adan̄aemi abiatde eti enyịn̄ ete esie.—2 Sam. 15:1-5.
it-1 1083-1084
Hebron
Some years later David’s son Absalom returned to Hebron and there initiated his unsuccessful usurpation of his father’s kingship. (2Sa 15:7-10) It was likely because of Hebron’s historical importance as onetime capital of Judah, as well as because of its being his native city, that Absalom chose this city as the starting point of his drive for the throne. Later, David’s grandson, King Rehoboam, rebuilt Hebron. (2Ch 11:5-10) After the desolation of Judah by the Babylonians and the return of the Jewish exiles, some of the repatriated Jews settled at Hebron (Kiriath-arba).—Ne 11:25.
Yom N̄kpọuto ke Ikọ Abasi
Ndi Edi Ofụri Akpanikọ?
11 Ẹkeme ndifịk nnyịn ke ntak emi mme owo ẹtịn̄de se mîdịghe ofụri akpanikọ ẹdian nnyịn. Se ikọwọrọde Mephibosheth edi oro. David ama ọfọn uwem ata etieti ye enye, onyụn̄ ọkpọn̄ kpukpru in̄wan̄ Saul ete ete esie ọnọ enye. (2 Sam. 9:6, 7) Nte ini akakade, ẹma ẹdibiat Mephibosheth ẹnọ David. David ama ọdọhọ ẹkebọ enye kpukpru inyene esie, ikpaha-kpa ndibụp m̀mê se ikopde oro edi akpanikọ m̀mê idịghe. (2 Sam. 16:1-4) Ke ini David ekedinemede n̄kpọ oro ye Mephibosheth, enye ama edikụt ke ima inam ndudue. Enye ama afiak ayak ndusụk inyene Mephibosheth ọnọ enye. (2 Sam. 19:24-29) David ikpakanamke eyen mbon utọ n̄kpọ oro ekpedi enye ama oyom usụn̄ kan̄a ọfiọk m̀mê se imọ ikopde oro edi ofụri akpanikọ utu ke ndibụmede mbiere se enye ekebierede oro.