Jehovah
Enyịn̄ esie
Ẹdọhọ ke enyịn̄ oro, Jehovah ọwọrọ “Enye Anam Akabade Edi”
Nso ke Jehovah esikabade edi man an̄wam ikọt esie?
Ntak emi anade mme Christian ẹnam enyịn̄ Abasi asana ẹnyụn̄ ẹnịm ke enye ikpọn̄ edi ata Abasi?
Ntak anade kpukpru owo ẹsụk ibuot ẹnọ Jehovah Andikara Ofụri Ekondo?
Ndusụk udorienyịn̄ Jehovah
Ata Ọkpọsọn̄—Ge 17:1; Edi 19:6
Ete—Mt 6:9; Joh 5:21
Akwa Anditeme—Isa 30:20
Jehovah mme udịm—1Sa 1:11
Nsinsi Edidem—1Ti 1:17; Edi 15:3
Andinyene Ubọn̄—Heb 1:3; 8:1
Ata Edikon̄—Ge 14:18-22; Ps 7:17
Akwa Itiat—De 32:4; Isa 26:4
Akakan Ọbọn̄ Andikara—Isa 25:8; Am 3:7
Ndusụk n̄wọrọnda edu Jehovah
Didie ke Jehovah anam nnyịn idiọn̄ọ ke imọ idi edisana, ndien nso ke ndidiọn̄ọ emi edinam nnyịn inam?
Ex 28:36; Le 19:2; 2Co 7:1; 1Pe 1:13-16
Itie Bible oro edin̄wamde fi:
Isa 6:1-8—Ke ini Jehovah akanamde prọfet Isaiah okụt n̄kukụt emi owụtde nte Jehovah asanade, Isaiah ama ekere ke imọ idotke ndikụt n̄kukụt oro sia imọ idide anamidiọk. Edi angel Jehovah ama anam enye ọdiọn̄ọ ke mbon oro mîfọnke ima ẹkeme ndisụk nsana ke enyịn Abasi
Ro 6:12-23; 12:1, 2—Apostle Paul ama etịn̄ nte ikpan̄wanade man ikûdi ifịn inọ idiọkn̄kpọ edi isan̄a ke “usụn̄ edisana ido”
Odudu Jehovah okpon didie, ndien nso ye nso ke Jehovah esida odudu esie anam?
Ex 15:3-6; 2Ch 16:9; Isa 40:22, 25, 26, 28-31
Itie Bible oro edin̄wamde fi:
De 8:12-18—Prọfet Moses ama eti nditọ Israel ke Jehovah akada akwa odudu Esie anam mmọ ẹnyene kpukpru nti n̄kpọ oro mmọ ẹkenyenede
1Nd 19:9-14—Jehovah ama owụt prọfet Elijah akwa odudu esie ini idem ekememde Elijah, ndien emi ama ọsọn̄ọ enye idem
Ntak emi Jehovah esibierede se inende kpukpru ini?
De 32:4; Job 34:10; 37:23; Ps 37:28; Isa 33:22
Itie Bible oro edin̄wamde fi:
De 24:16-22—Ibet oro Abasi ọkọnọde Moses owụt ke Abasi esinam se inende, ama mme owo onyụn̄ atua owo mbọm
2Ch 19:4-7—Edidem Jehoshaphat ama eti mme ebiereikpe emi enye ekemekde ete ẹkpe ikpe nte Jehovah oyomde ẹkûnyụn̄ ẹkwan̄a ikpe
Nso iwụt ke ọniọn̄ Jehovah inyeneke mbiet?
Ps 104:24; N̄ke 2:1-8; Jer 10:12; Ro 11:33; 16:27
Se n̄ko Ps 139:14; Jer 17:10
Itie Bible oro edin̄wamde fi:
1Nd 4:29-34—Jehovah ama anam Edidem Solomon enyene ọniọn̄ akan owo ekededi ke eyo esie
Lu 11:31; Joh 7:14-18—Kpa ye edide Jesus enyene ọniọn̄ akan Solomon, Jesus ama osụhọde idem etịn̄ ke Abasi anam imọ inyene ọniọn̄
Didie ke Jehovah anam idiọn̄ọ ke ima edi n̄wọrọnda edu imọ?
Joh 3:16; Ro 8:32; 1Jo 4:8-10, 19
Itie Bible oro edin̄wamde fi:
Mt 10:29-31—Jesus ama ọnọ uwụtn̄kpọ akadan̄abasi ndiwụt adan̄a nte Jehovah amade ikọt esie mînyụn̄ idaha mmọ ibre mbre
Mr 1:9-11—Jehovah ama etie ke heaven ọdọhọ eyen esie ke imọ imama enye, ke enye anam esịt enem imọ. Eti uwụtn̄kpọ ke Jehovah ekenịm oro ọnọ mme ete ye eka sia idụhe eyen emi mîsimaha itoro
Nso idi mme ntak en̄wen anamde inen̄ede ikpere Jehovah? Bible etịn̄ ediwak nti n̄kpọ aban̄a Jehovah. Ndusụk ke otu oro edi emi . . .
Jehovah okokụt kpukpru n̄kpọ—2Ch 16:9; N̄ke 15:3
Jehovah ikpụhọkede; imekeme ndibuọt idem ye enye—Mal 3:6; Jas 1:17
Jehovah esikere aban̄a owo—Isa 49:15; 63:9; Zec 2:8
Jehovah odu ke nsinsi; enye inyeneke ntọn̄ọ inyụn̄ inyeneke utịt—Ps 90:2; 93:2
Jehovah esitat ubọk ọnọ owo n̄kpọ—Ps 104:13-15; 145:16
Jehovah okpon ke ubọn̄—Edi 4:1-6
Jehovah edi Abasi inemesịt—1Ti 1:11
Jehovah esisụhọde idem—Ps 18:35
Jehovah esifọn ido—Lu 6:35; Ro 2:4
Jehovah isikpọn̄ke ikọt esie—Edi 15:4
Jehovah ọyọhọ ye ubọn̄ ye uku—Ps 8:1; 148:13
Jehovah esitua owo mbọm—Ex 34:6
Jehovah esinyene ime—Isa 30:18; 2Pe 3:9
Jehovah edi Abasi emem—Php 4:9
Jehovah edi edinen Abasi—Ps 7:9
Nso ufọn ke ididia ima inen̄ede idiọn̄ọ Jehovah?
Nte ikpokponode Jehovah
Nso iwụt ke Jehovah idọhọke ikọt esie ẹnam se isọn̄de ikan mmọ?
Itie Bible oro edin̄wamde fi:
De 30:11-14—Ibet emi Abasi akadade prọfet Moses ọnọ nditọ Israel ikọsọn̄ke ikan mmọ ndinam
Mt 11:28-30—Jesus emi ebietde Ete esie ke kpukpru n̄kpọ ama ọdọhọ ke imọ idi Eteufọk emi esifọnde ido onyụn̄ ọnọde mme owo nduọkodudu
Ntak ikpesitorode Jehovah?
Se n̄ko Jer 20:9; Lu 6:45; Ut 4:19, 20
Itie Bible oro edin̄wamde fi:
Ps 104:1, 2, 10-20, 33, 34—Owo kiet emi eketienede ewet Psalm ama okụt ata ediwak n̄kpọ oro Abasi okobotde, ndien emi ama anam enye otoro Jehovah
Ps 148:1-14—Mme angel ye mme n̄kpọ eken oro Jehovah okobotde ẹsitoro Jehovah, ntre ana nnyịn n̄ko isitoro Jehovah
Didie ke ndidu eti uwem edinam ẹtoro Jehovah?
Ntak ọfọnde isan̄a ikpere Jehovah?
Ntak emi ndisụhọde idem edin̄wamde nnyịn isan̄a ikpere Jehovah?
Ntak ọfọnde isikot Bible inyụn̄ ikere se ikotde edieke iyomde ndikpere Jehovah?
Ntak ọfọnde inanam mme n̄kpọ oro ikpepde iban̄a Jehovah?
Ntak emi nnyịn mîkpodomoke ndidịp Jehovah n̄kpọ ndomokiet?
Job 34:22; N̄ke 28:13; Jer 23:24; 1Ti 5:24, 25
Itie Bible oro edin̄wamde fi:
2Nd 5:20-27—Gehazi ama odomo ndidịp se enye akanamde, edi Jehovah ama ayarade n̄kpọ oro ọnọ prọfet Elisha
Ut 5:1-11—Ananias ye Sapphira ẹma ẹdomo ndidịp se mmọ ẹkenamde edi Jehovah ama ayarade mmọ onyụn̄ owot mmọ