Nso ke Obio Ubọn̄ Abasi Edinam?

Se Bible ọdọhọde

Obio Ubọn̄ Abasi oyosio kpukpru ukara owo efep onyụn̄ akara ofụri ererimbot. (Daniel 2:44; Ediyarade 16:14) Ke oro ebede, Obio Ubọn̄ Abasi . . .

• Oyosobo ndiọi owo emi ẹnamde ibọ ufen ke ntak ibụk mmọ. “Edi ẹyesobo mme idiọkowo ẹfep ke isọn̄.”—Mme N̄ke 2:22.

• Eyetre kpukpru ekọn̄. “[Abasi] amanam ekọn̄ etre tutu esịm utịt isọn̄.”—Psalm 46:9.

• Ayanam uforo ye ifụre ẹdu ke isọn̄. “Kpukpru mmọ ẹyetie ke idak vine mmọ ye ke idak fig mmọ; ndien baba owo kiet eke edinamde mmọ ndịk ididụhe.”—Micah 4:4, Edisana N̄wed Abasi Ibom.

• Ayanam isọn̄ akabade Paradise. “Nsatisọn̄ [ayadara]; desert oyonyụn̄ ebre, onyụn̄ asiaha ikọn̄ nte rose.”—Isaiah 35:1, Edisana N̄wed Abasi Ibom.

• Ayanam kpukpru owo ẹnyene eti utom emi ẹdinemde mmọ. “Ndimek ikọt [Abasi] ẹyedia ufọn utom ubọk mmọ ọyọhọ ọyọhọ. Mmọ idikpaha utom ke ikpîkpu.”—Isaiah 65:21-23.

• Ayanam udọn̄ọ okụre. “Baba andidụn̄ kiet ididọhọke ite: ‘Ndọdọn̄ọ.’”—Isaiah 33:24.

• Idiyakke nnyịn isọn̄. “Yak obụkidem esie akabade esehe akan eke ini uyen; yak enye afiak enyene odudu nte ekenyenede ke ini uyen esie.”—Job 33:25.

• Ayanam mme akpan̄kpa ẹset. ‘Kpukpru mme andidu ke udi editi ẹyekop uyo Jesus ẹwọn̄ọ ẹdi.’—John 5:28, 29.