Nte Inuen Inyan̄ Emi Esifede Enyene Ndyọ

Ndusụk inuen ẹsife imiaha mba. Edi nte inuen inyan̄ emi okụtde ke ndise emi esifede enen̄ede enyene ndyọ. Mba mba emi enye atatde esiniọn̄ etieti, inuen emi onyụn̄ enen̄ede okpon. Enye esife ediwak tọsịn kilomita itịmke-tịm idem. Nte enye etiede esinam enye ekeme ndinam emi.

Se nte enye esinamde mi: Esidi enye ama efe, enye enịm mba esie ke usụn̄ oro mîdibiakke enye. N̄kpọ efen edi ke inuen emi esifiọk nte ofụm ofụmede onyụn̄ ayak idem ọnọ ofụm. Emi esinam enye ekeme ndife ediwak hour itịmke idem.

Ke ini enye efede ebe inyan̄, inuen emi esidọk ata enyọn̄, ekem ọyọwọn̄ọde aka n̄kan̄ emi ofụm ofụmede man ofụm oro emen enye. Ntre ke enye edinam tutu enye esịm ebiet emi enye akade ikpaha mba. Ndondo emi ke ntaifiọk ẹda kọmputa ẹse nte inuen emi esisan̄ade anam kpukpru emi. Mmọ ẹdọhọ ke nte enye esifede isiyakke ufe akak enye. Emi n̄ko esinam inuen emi efe ata ediwak hour imiaha mba.

Nte inuen emi esifede ekeme ndin̄wam ntaifiọk ẹbot ubomofụm emi mîdiaha aranuwat, m̀mê enye oro mîkam inyeneke engine.

Afo ekere didie? Ndi ekere ke n̄kpọ okoforo inuen emi ọdiọn̄ọde ufe ntem? Mîdịghe ndi ẹkebobot enye?