Mme Mbụme Bible Oro Ẹbọrọde
Devil okoto m̀mọ̀n̄?
Abasi ikobotke Devil, edi enye okobot angel emi akakabarede edi Devil, emi ẹnyụn̄ ẹdiọn̄ọde nte Satan. Jesus ama etịn̄ ikọ ndiwụt nte ke ama odu ini emi angel emi ekesitịn̄de akpanikọ onyụn̄ anam se inende. Ke nditịm ntịn̄, enye ekedi eti eyen ọnọ Abasi ke ini ẹkebotde enye.—Kot John 8:44.
Eti angel akasan̄a didie akabade edi Devil?
Angel emi akakabarede edi Devil ekemek ke idemesie ndibiọn̄ọ Abasi nnyụn̄ nnam Adam ye Eve ẹtiene enye ẹbiọn̄ọ Abasi. Ntem ke enye akakabade edi Satan emi ọwọrọde “Andibiọn̄ọ.”—Kot Genesis 3:1-5; Ediyarade 12:9.
Ukem nte nditọ Abasi eken, angel emi akakabarede edi Devil ama enyene ifụre ndimek ndinam se ifọnde m̀mê se mîfọnke, edi enye okoyom ẹtuak ibuot ẹnọ imọ. Enye ama ama utuakibuot akan Abasi.—Kot Matthew 4:8, 9; James 1:13, 14.
Didie ke Devil aka iso nditịmede mme owo? Ndi akpana efehe enye? Bible ọbọrọ mme mbụme emi.