Bible Ọdọhọ Didie?
Ndi Abasi esibọrọ kpukpru akam?
NDI ỌKPỌDỌHỌ KE ENYE ESIBỌRỌ AKAM . . .
Kpukpru owo
Ndusụk owo
M̀mê ibọrọke akam owo ndomokiet
SE BIBLE ỌDỌHỌDE
“Jehovah emekpere kpukpru mbon oro . . . ẹsemede ẹkot enye ke akpanikọ.”—Psalm 145:18.
NSO EN̄WEN KE BIBLE ỌDỌHỌ?
Abasi isibọrọke akam mbon emi ẹsọn̄de ibuot ye enye. (Isaiah 1:15) Edi edieke mmọ ẹkabarede esịt, Abasi oyokop akam mmọ.—Isaiah 1:18.
Edieke iyomde Abasi okop akam nnyịn, ana akam nnyịn ekem ye uduak esie nte ikụtde ke Bible.—1 John 5:14.
Ndi enyene san̄asan̄a usụn̄ oro ikpadade ibọn̄ akam?
NDUSỤK OWO ẸNỊM ke ana isitọn̄ọ edọn̄, isụk ibuot ke isọn̄, mîdịghe idian ubọk mbiba ke ini ibọn̄de akam. Afo ekere didie?
SE BIBLE ỌDỌHỌDE
Abasi ama ọbọrọ akam mbon oro ẹketiede-tie, ẹdade-da, ẹnade-na, m̀mê ẹtọn̄ọde edọn̄ ẹbọn̄. (1 Chronicle 17:16; 2 Chronicle 30:27; Ezra 10:1; Utom 9:40) Enye idọhọke ke enyene akpan usụn̄ emi owo akpadade ọbọn̄ akam.
NSO EN̄WEN KE BIBLE ỌDỌHỌ?
Abasi esibọrọ akam mbon oro ẹsụhọrede idem.—Psalm 138:6.
Emekeme ndibọn̄ akam nnọ Abasi ke usem ekededi, omonyụn̄ ekeme ndibọn̄ ke esịt.—2 Chronicle 6:32, 33; Nehemiah 2:1-6.