Mme Usụn̄ Unyene Nneme

Nditọn̄ọ Ukpepn̄kpọ Bible ke Akpa Saturday ke June

Kot Isaiah 42:8. Ekem dọhọ ete: “Nte itien̄wed emi ọdọhọde, Abasi enyene enyịn̄. Ndi afo emekere ke edi akpan n̄kpọ ndikot enyịn̄ Abasi? [Bet ibọrọ.] Kop se n̄wed emi etịn̄de.” Nọ enyeneufọk Enyọn̄-Ukpeme June 1 nyụn̄ neme se idude ke idak akpa ekpri ibuotikọ ke page 16 ye enye. Nọ mme magazine, nyụn̄ diomi ndifiak n̄ka n̄kọbọrọ mbụme oro etienede.

Enyọn̄-Ukpeme June 1

“N̄kpama ndibụp se idide ekikere fo ke akpan ibuotikọ emi. [Kụbọde ka page 3 nyụn̄ wụt enye mme ekikere oro ẹnọde.] Ewe ke otu emi owụt se afo ekerede aban̄a Bible? [Bet ibọrọ.] Kop mi se Bible etịn̄de aban̄a idemesie. [Kot Rome 15:4.] Magazine emi eneme n̄kpọ ition emi anamde Bible edi san̄asan̄a n̄wed onyụn̄ owụt nte enye ekemede ndinyene ufọn nnọ nnyịn.”

Awake! June

“Kpukpru isua ediwak miliọn owo ke ererimbot ẹdọn̄ọ ke ntak ẹdiade udia oro mîfọnke. Ndi afo emekere ke ẹkama udia ọfọn ke obio nnyịn? [Bet ibọrọ.] Magazine emi etịn̄ usụn̄ inan̄ oro nnyịn ikemede ndikpeme ubon nnyịn mbak mmọ ẹdinyene udọn̄ọ oro ẹmende ẹto edidia udia oro mîfọnke. Enye eneme n̄ko un̄wọn̄ọ Bible oro nte ke ibịghike kpukpru owo ẹyenyene nti udia barasuene.” Kot Psalm 104:14, 15.